ERCk "zeharkako gobernua" eratu nahi du, Puigdemonten itzulera helburu hartuta

ERCk onartu egin du hauteskunde emaitzek zenbait muga ezarri dizkiotela kanpaina hasieran zituen asmoei, indar independentista bozkatuena Junts per Catalunya izan baita. Emaitzak aintzat hartuta, Marta Rovira ERCko idazkari nagusiak jakinarazi du Carles Puigdemont presidente izendatzearen alde egingo duela bere alderdiak.

Marta Rovira ERCko idazkari nagusia gaur eskaini duen prentsaurrekoan. /
Marta Rovira ERCko idazkari nagusia gaur eskaini duen prentsaurrekoan. / Toni Albir/EFE

Gorka Berasategi Otamendi -

2017ko abenduak 22

"Ez dugu alternatibarik aztertzen. Herritarrek erabaki dutenarekiko leial jokatuko dugu". Rovirak ziurtatu du bere alderdiak "gobernu zilegia itzultzeko" jardungo duela.

Hala ere, Generalitatea lehenbailehen osatzeko beharraz mintzatu da Rovira, "155aren ondorio negargarriak" ahalik eta azkarren bertan behera uzteko. Haren esanetan, "zeharkako gobernua" osatzea da helbururik garrantzitsuena. "Gobernu sendoa behar dugu, pertsonalismoetatik harago".

Espainiako Gobernuari hauteskundeetako emaitzak errespetatu ditzala galdegin dio Rovirak, eta Puigdemontek itzuli ahal izateko baldintza demokratikoak bermatzera dei egin dio. Baldintza horiek lirateke Generalitatearen finantzetan esku hartzeari uztea, 155 artikuluaren ezarpena etetea eta Rajoyk "preso politikoak" askatzeko eta "erbestean diren gobernuko kideak" itzultzeko "bere esku dagoen guztia"  egitea.

CUP "kontzentrazio gobernua" eratzeko prest

ERCren proposamenari heldu dio CUPek berehala. Carles Riera alderdiko zerrendaburuak adierazi du CUP prest legokeela "kontzentrazio gobernu" batean parte hartzeko, baldin eta Generalitate horrek Kataluniako Errepublika garatu eta gizarte kohesioa indartzeko konpromisoak hartuko balitu. "Posiblea bada eta programa hori onartzen bada, gu ez ginateke inbestidura babestera mugatuko"; horrez gain, gobernuan parte hartzeko gertu leudekela adierazi du.

Rierak ohartarazi du independentismoak haren kontrako auzi judizialei "batasunez" erantzun beharko diela. "Kontua errepublika egitea da, eta estatuaren aurrean errepublikaren proiektuari eustea".

CUPeko zerrendaburu eta diputatu hautatuak onartu du CUPek parlamentuan izan dezakeen eragina txikitu egin dela, baina "erabakigarriak" izaten jarraitzen dutela ohartarazi du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Nicola Sturgeon Eskoziako Parlamentuan, pentsakor. ©F. BREMNER / EFE

Zer egin Londresen ezezkoaren aurrean

Ander Perez Zala

SNPko sektore batzuk haserre daude independentziarako B planaren eztabaida blokeatu dutelako. Sturgeonen asmoa da bide orria eta galdera 2021eko bozen aurretik jakinaraztea
 ©BERRIA

«Barne eztabaida falta frustrazioa eragiten ari da alderdian»

Ander Perez Zala

MacNeil independentziarako B planaren egileetako bat da, eta «etsita» agertu da SNPren jarrerarekin, horri buruzko eztabaida blokeatu duelako: «Frustrazioa egongo da ez bada galdeketarako biderik egiten».

 ©UNRWA
UNRWAko langile bat janaria banatzen Gazako herritarren artean. ©MOHAMMED SABER / EFE

UNRWAk lanak eten beharko ditu nazioarteak dirurik eman ezean

Arantxa Elizegi Egilegor

Palestinar Iheslarientzako Laguntza eta Lan Bulegoak 5,7 milioi errefuxiaturen oinarrizko beharrak asetzen ditu. Urte amaiera arte aurreikusitako lanak egiteko, 167 milioi euro beharko lituzke

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna