Enpresak

Siemens Gamesak 2.000 milioi euro aurreztuko ditu datozen hiru urteetan

2020ra bitarteko programa aurkeztu du konpainiak Madrilen, eta "hazkunde errentagarria" iragarri.

Siemens Gamesaren egoitza nagusia, Zamudioko parke teknologikoan. /
Siemens Gamesaren egoitza nagusia, Zamudioko parke teknologikoan. / Luis Jauregialtzo/Argazki Press

Jon Fernandez -

2018ko otsailak 15 11:53

Kostuak murriztuko ditu Siemens Gamesa multinazionalak datozen hiru urteetan: 2.000 milioi euro, hain zuzen ere. Gerrikoa estutzeko L3D2020 prorgama aurkeztu du gaur goizean Madrilen, eta azpimarratu du helburua dela "hazkunde errentagarria" lortzea.

Diru aurrezpen horren %65 hornitzaileei egindako erosketetatik etorriko dira; %15-20 inguru produkzio kostuetatik; eta gainontzekoa kostu orokorretatik, tartean langile kostutik. Markus Tacke Siemens Gamesako kontseilari ordezkariak azpimarratu du ez dela kaleratze eta berregituraketa berririk egongo, iaz aurkeztutako berregituraketa planarekin jarraituko dutela, 6.000 behargin kaleratuta.

Hain zuzen, gaur arratsaldean protesta egingo dute konpainiko langileek Zamudioko lantegian (Bizkaia), Siemens Gamesaren egoitzan. Bertan izango dira Miranda Ebroko (Espainia) lantegiko langileak ere. Izan ere, multinazionalak itxi egingo du Miranda Ebroko lantegia, eta 134 langile ari dira bertan. Madrilgo prentsaurrekoan, langile horien ordezkari batek zuzenean eskatu dio Tackeri lantegiaren itxiera bertan behera uzteko. Alferrekoa izan da ahalegina, kontseilari ordezkariak erantzun baitio itxiera horrek ez duela zerikusirik berregituraketa programarekin, lantegiaren tamainarekin baizik. Argudiatu du txiki geratu dela errota berriak egiteko, eta kostu handiegia duela.

Merkatua baino gehiago haztea

Bi konpainien arteko fusioa, Siemens alemaniarrarena eta Gamesa euskaldunarena, irailerako amaituta egotea espero du zuzendaritzak. Aurreikusi du, gainera, integrazio sinergiei esker 400 milioi eurotik gora aurreztuko dituela 2020an.

Bere buruari helburu handinahiak jarri dizkio multinazionalak. Onshore sektorean, lurreko energia eolikoaren negozioan, merkatu kuota handitu nahi du produktu berriekin: aerosorgailu berriak aurkeztuko ditu 4,2 MWekoak. Offshore sektorean, berriz, itsasoko energia eolikoaren negozioan, Europako lidergoa mantendu nahi du —%70eko merkatu kuota dauka—, eta erreferente bihurtu beste merkatu batzuetan, besteak beste, Ameriketako Estatu Batuetan eta Taiwanen. Azkenik, operazio eta mantenimendu zerbitzuen negozioan, merkatua baino azkarrago haztea aurreikusi du multinazionalak, digitalizazioari esker.

2020rako, irabazi garbien %25 dibidendutan banatzeko asmoari eutsi dio Siemens Gamesako zuzendaritzak, eta aurreikusi du %8tik %10era bitarteko EBIT margina lortzea.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Novaltiako grebalariek LHKra jo dute «benetako» negoziazio baten bila

Novaltiako grebalariek LHKra jo dute «benetako» negoziazio baten bila

Imanol Magro Eizmendi

Botika banaketa enpresako langileek 550 egun daramatzate greban lan itun duin bat lortzeko. 4,5 milioi euroren irabaziak izan zituen 2017 eta 2019 bitartean, eta 950 euroko soldatak eskaintzen ditu

2020 amaieran, langabezia tasa %11,2ra igo da Araban, Bizkaian eta Gipuzkoan

2020 amaieran, langabezia tasa %11,2ra igo da Araban, Bizkaian eta Gipuzkoan

Imanol Magro Eizmendi Iker Aranburu

Urtebeteko epean 17.400 langabe gehiago zenbatu ditu Eustatek. Azken hiruhilekoan, berriz, 14.200 okupatu gehiago aurkitu ditu

Pedro Azpiazu, atzoko bideokonferentzian. ©Irekia

Monterok erretiratu egin du Europako funtsetan erabateko boterea aitortzen zion araudia, erkidegoengatik

Irune Lasa

Proposatutako araudia zirriborro bat zela dio orain Ogasun ministerioak, eta beste bat aurkeztuko duela. PPren agintepeko erkidegoez gain, proposamenarekin oso haserre agertu ziren Eusko Jaurlaritza, Kataluniako Gobernua, eta baita PSOEk gobernatutako zenbait erkidego ere.

Zumaian zuntz optikoa jartzeko obrak, iragan urtean. Artxiboko irudia. ©Juan Carlos Ruiz

Baionako Auzitegia SFR enpresa ikertzen ari da, langileak esplotatu dituelakoan

Oihana Teyseyre Koskarat

Ipar Euskal Herrian zuntz kablea ezartzeko obretan langileak bidegabeki tratatu izana leporatzen diote telefonia enpresari

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna