Korsika

Korsikako bi preso irlara hurbildu dituzte

Borgoko kartzelara lekualdatu dituzte Antoine Pes eta Jean-Jacques Pozzo Di Borgo. Pes Fresnesen zegoen, Frantzia iparraldean, eta Pozzo Di Borgo Villepinten, Paris inguruan.

Presoen egoera salatzeko errepide mozketa, Ajaccion, 2010ean. / M. Luccioni/EFE Tamaina handiagoan ikusi

Berria -

2018ko otsailak 23

Antoine Pes eta Jean-Jacques Pozzo Di Borgo preso politikoak Bastia ondorko Borgo kartzelara hurbildu dituzte, Corsica Infurmazione-k jakinarazi duenez.

Pozzo Di Borgo 2013az geroztik zegoen Paris inguruko Villepinteko kartzelan, behin-behinean preso. Antoine Pes Frantzia iparraldeko Fresneseko kartzelan zegoen, 2015etik, hura ere behin-behinean preso. 2017ko martxoan egin zuten irlara hurbiltzeko eskaria.

Frantziako Justizia presoen kasuak banan-banan aztertzen ari da, Korsikara hurbildu ala ez erabakitzeko. Orain, sei preso korsikar geratzen dira Frantziako kartzelatan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna