Noiz sortua: 2018-02-28 16:33:59

Etxebizitza

Hipoteken zergak bezeroak ordaindu behar dituztela zehaztu du Espainiako Auzitegi Gorenak

Epai kontraesankorrekin amaitu nahian, etxebizitza erosteko gastuak nola banatu behar diren finkatu dute epaileek.

Iker Aranburu -

2018ko otsailak 28

Bezeroen kargu egongo dira hipotekak dakartzan bi gastu nagusiak, ondare eskualdeketen gaineko zerga, eta ekintza juridiko eta dokumentatuen gaineko zerga. Kontrara, bankuek ezingo dizkiete beste gastu batzuk oso-osorik bezeroei ordainarazi. Horien artean, notarioen agiriek ordaintzen duten tasa. Kontratua duen orrialde bakoitzeko hamabost zentimo izaten dira, eta gutxienez 40 euroko kostua izaten du. Auzitegi Gorenak dio erdibana ordaindu behar dituztela bankuek eta bezeroek.

2015eko abenduko epai batean, Gorenak ebatzi zuen abusua zela hipotekaren gastu guzti-guztiak bezeroen bizkar hartzea, eta baldintza hori zuten kontratuak baliogabeak zirela. Ebazpen horrek ekarri du epaile batzuek gastu guztiak bankuei ordainaraztea, eta beste batzuek gastuak partekatzea.

Etxebizitza bat erostean ordaintzen den gastu nagusia ondare eskualdeketen gaineko zerga da: ohizko etxebizitzen eskualdeketek etxearen prezioaren %2,5 ordaintzea dakar. Beste etxebizitzen eskualdeketek %4ko zerga ordaintzen dute, eta %7koa beste ondasun higiezinena.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bi lagun hil dira COVID-19 gaitzaren eraginez. Bost positibo atzeman dituzte PCR probekin, eta lau gaixo ospitaleratu dituzte. Euskal Herrian 29.406 gaixok eman dute positibo guztira, koronabirusa atzemateko probaren bat eginda. Horietatik 2.068 hil dira. Grafikoak, albiste barruan.

Bilboko errepideak konfinamendua hasi berritan. ©Marisol Ramirez / Foku

Nafarroako Gobernuak udako herri bestak bertan beheiti uzteko gomendatu du

Berria

Nafarroako Osasun Publikoko Institutuak nabarmendu du herri bestetan zaila dela segurtasun eta osasun neurriak betetzea. Hala, halakoetan birusa zabaltzeko arriskua ikusita, bestak bertan beheiti uzteko gomendioa egin du gobernuak. 

Gallartako agerraldiaren irudia, Josu Erkorekaren Twitter kontuan agertua ©@Jerkoreka

Urkulluk Euskal Herri osoan ibiltzea baimentzeko eskatu die Frantziari eta Espainiari

Gotzon Hermosilla

Jaurlaritzak espero du Araba, Bizkaia eta Gipuzkoa hirugarren fasera pasatuko direla astelehenetik aurrera. Salvador Illak aurreratu du hirugarren fasean ezingo dela erkidego batetik bertzera mugitu. 

Adegiko zuzendaritzako kideak, gaurko agerraldian. ©ANDONI CANELLADA / FOKU

Adegi bat dator ELArekin erregulazioan daudenen soldata osatzeko

Xabier Martin

Osatze horiek egin ahal izateko finantzaketa, ordea, ez du nahi "bakarrik enpresaren bizkar uztea". Ekonomia %7 eta %10 artean uzkurtuko dela aurreikusi du Gipuzkoako patronalak, eta azken bi urteetan sortu diren 12.000 enpleguak galdu egingo direla.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna