Noiz sortua: 2018-03-03 16:21:05

Katalunia

JxC eta ERCren arteko akordioa baztertu du CUPek

Alderdiaren oinarriek uko egin diote akordio "autonomista" babesteari. CUP abstenitu egingo da Sanchez inbestitzeko bozketarik baldin bada. JxCk eta ERCk ez dute babes nahikorik Sanchez presidente izendatzeko, Puigdemonten eta Cominen botorik gabe.

Vidal Aragones CUPeko diputatua, agerraldian. /
Vidal Aragones CUPeko diputatua, agerraldian. / Berria

Berria -

2018ko martxoak 3

Beste behin, kateatuta dirudi Kataluniako egoera politikoak. Akordio faltaren ondorioz, gobernua osatzeko bidean urratsak eman ezinik jarraitzen dute alderdi independentistek. JxC eta ERC gobernu osaketarako adostasuna lortzetik gertu daudela dirudi, baina bi alderdi horiek ezinbestekoa dute CUPen babesa parlamentuan gehiengo osoa izateko, eta azken horrek baztertu egin du aurkeztu dioten akordio prosamena, gaur, CUPen kontseilu politikoak egin duen batzarrean.

CUPek adierazi du JxC eta ERCren proposamena "autonomista" dela, eta "legedi espainiarrarekiko erabateko mendekotasuna" onartzen duela salatu du. "Ez 155ik, ez 135ik, ezta autonomismorik ere", esan du Vidal Aragones diputatuak. "Masi ezetz esan genion, eta ezetz esaten diogu inbestidura honi".

Izan ere, akordioa alboratuta, CUPek bidea moztu dio Jordi Sanchez JxCko diputatua presidente izendatzeko aukerari; edo asko zaildu du, gutxienez. JxCk eta ERCk 66 diputatu dituzte guztira; Ciutadansek, PSCk, Catalunya en Comu-Podemek eta PPk, elkarrekin, 65; CUPek 4. Normaltasun egoeran, JxCk eta ERCk indar nahikoa lukete bien arteko akordioa parlamentuan onartzeko, baina Carles Puigdemont Kataluniako presidente kargugabetuak eta Toni Comin Osasun kontseilari kargugabetuak ezin dute Bruselatik boza eman. Parlamentuak beste diputatu baten bidez edo telematikoki bozkatzeko baimena emango balie, Espainiako Gobernuak Auzitegi Konstituzionalera joko duela iragarria du.

CUPek aldarrikatu egin du Puigdemonten eta Cominen bozkatzeko eskubidea, eta hari uko egitea Espainiako legedia onartzea dela nabarmendu dute. 

JxCk eta ERCk Sanchez presidente izendatzeko modua izan dezakete Puigdemontek eta Cominek diputatu karguari uko egin eta haien ordez zerrendako hurrenak izendatzen badituzte parlamentuan ordezkari. Era horretara, 66 boz jasoko lituzke Sanchezen hautagaitzak.

CUPen lehentasuna urriaren 1eko erreferendumean herritarrek emandako "agindua gauzatzea" da. Alderdiaren iritziz, JxCek eta ERCek eratu asmo duten Bruselako Eremu Askea —Puigdemont buru lukeena— ez da aukera egokia, eta sinbolismoak baztertzeko galdegin du. Hala, "ikuspuntu eta legedi errepublikarra" oinarri hartzearen alde agertu da. Aditzera eman duenez, JxC eta ERCrekin negoziazioei berriz heltzekotan, baldintza hori bete beharko litzateke, alderdi horiek proposatu duten bi adarreko gobernua —bata Bruselan, eta bestea Katalunian— albora utzita.

CUPek argitu du bere erabakia ez dela Sancezen aurkakoa. "Ez da izen edo pertsonen kontua; proiektu politikoena, baizik".

Horrez gain, CUPek "prozesu eratzaile herritarra" exijitu du Kataluniak zein herrialde eredu garatu nahi duen zehazteko.

 

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 27an eguneratua, 18:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, hemeretzi positibo atzeman dituzte PCR probekin, eta bederatzi gaixo ospitaleratu dituzte. Euskal Herrian 28.812 gaixok eman dute positibo guztira, koronabirusa atzemateko probaren bat eginda. Horietatik 2.034 hil dira. Grafikoak, albiste barruan.

Dozenaka lagun ogi pusketa bat eskuratu nahian, Ammanen. ©ANDRE PAIN / EFE

Pandemiak Ekialde Hurbileko eta Afrika iparraldeko elikagai krisia areagotu du

Berria

NBEren menpeko hainbat erakundek ohar bateratu bat kaleratu dute. Elikagaien hornidura kateetan izaten ari den eragina «kritikoa» dela adierazi dute. Lurralde horietako herritarrek jasan dituzte, erakundeen esanetan, pandemiaren ondoriorik gogorrenak.

Segurtasun indarretako agenteak gizon bati tenperatura hartzen, Brasilen. ©ANTONIO LACERDA / EFE

Amerika, pandemiaren epizentroa

Jone Bastida Alzuru

Latinoamerikan atzematen dituzte eguneko positibo berri gehien. OPS kezkatuta agertu da Brasilen, Peruren eta Txileren egoerarekin

Bidaiariak Valentziako aireportura iristen. ©MANUEL BRUQUE / EFE

Itzulerarako itxaronaldi luzea

Iñigo Satrustegi

Asko dira larrialdi egoera ezarri zenetik atzerritik Euskal Herrira bueltatu diren euskal herritarrak. Beste hainbat, berriz, atzerrian harrapatuta daude oraindik ere, bi hilabeteren ondoren.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna