GIZARTEA

Euskararen ofizialtasuna aldarrikatzeko, manifestaziora deitu du EHEk

Martxoaren 24an eginen dute protesta, Iruñeko autobus geltoki zaharretik abiatuta.

EHEko Azaitz Gartzia eta Koldo Aldabe, manifestazioaren aurkezpenean. /
EHEko Azaitz Gartzia eta Koldo Aldabe, manifestazioaren aurkezpenean. / JAGOBA MANTEROLA / ARGAZKI PRESS

Ion Orzaiz -

2018ko martxoak 5

Mugarik gabeko euskara lelopean, manifestazioa antolatu du Euskal Herrian Euskaraz erakundeak. Euskarak "etorkizuna ziurtatua ez" duela eta euskaldunak "bigarren mailako hiztun izatearen ondorioak pairatzen" dituztela nabarmendu dute EHEko kide Koldo Zaratek eta Azaitz Gartziak, Iruñeko Katakrak liburu dendan eginiko agerraldian.

"Euskaldunon hizkuntza eskubideak bigarren mailakoak dira, erdal hiztunen hizkuntza eskubideekiko subalternitatean", azaldu du Zaratek. Euskararen hiztun komunitatea ere "desegituratua" dagoela salatu du: "Euskaraz sor eta birsor daitekeen komunitate osoa izan ordez, hiztun irletan sakabanatuta gaude. Hatsa hartu eta iraun ahal izateko arnasguneen bila, irla batetik bestera. Gero eta hertsatuago eta ahuleriak jota daude eremu euskaldunak. Gune euskaldunotan ere derrigorrezkoak frantsesa eta espainiera dira, eta euskara, berriz, nekez doa hautazkotasunetik harago".

Egoera horren aurrean, EHEk ezinbestekotzat jo du "jauzi kuantitatibo eta kualitatiboa" ematea. Euskararen etorkizuna bermatze aldera, beste edozein hizkuntza normalizatuk dituen baldintzak eta egokitze prozesuak eskatu ditu Azaitz Gartziak: "Euskal Herria euskaratik eta euskaraz eraiki beharra dago. Euskal Herriaren alde daudela dioten eragile politiko, sozial eta ekonomikoei exijitzen diegu euskara euren jardueren erdigunean kokatzea, bai euskara lan hizkuntza izanik, bai euskararen normalizazioa ezinbestean aplikatu beharreko irizpidetzat harturik".

Burujabetza ere eskatu dute: "Euskal Herriko biztanleok nolako hizkuntza politika garatu nahi dugun erabaki eta indarrean jarri ahal izateko, inolako mugarik gabe euskaraz bizi ahal izateko, eta Euskal Herriaren berreuskalduntzea azkartu eta bururaino eraman ahal izateko".

Hori guztia aldarrikatuko dute Iruñean martxoaren 24an eginen duten manifestazioan. 17:30ean aterako da martxa, autobus geltoki zaharretik.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

<b>Konfinamendua.</b> Baionako karrikak hutsik, eta dendak itxita konfinamendu garaian. ©BOB EDME

Larunbatetik aitzina dendak irekiko dituzte Iparraldean

Maria Ortega Zubiate - Oihana Teyseyre Koskarat - Paulo Ostolaza

Jatetxeak ez dituzte urtarrilaren 20a aitzin zabalduko, baina ostatuentzako eperik ez dute eman. Madrilek aurreratu du etxeratzeko orduei eutsi nahi diela Eguberrietan
Osasun krisiak nabarmen okertu du elbarritasunen bat duten pertsonen bizi kalitatea. ©LUIS JAUREGIALTZO/ FOKU

Malkartsuago egin zaie bidea

Edurne Begiristain

Izurriaren bigarren olatuak areagotu egin ditu urritasunen bat duten pertsonen arazoak, oztopoak eta premiak. Koronabirusak «mendekotasun» handiagoa sortu die, eta bizi kalitatea «okertu». Egoitzetan dauden mendeko pertsonak «salbuespen egoeran» bizi direla ohartarazi dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna