Noiz sortua: 2018-04-09 15:41:03

Bretainia

Suntsitutakoa berreraikiko dutela adierazi dute BBGko ekintzaileek

Bretainiako Notre-Dame-des-Landes herrian ekologistek okupatutako BBG babestu beharreko gunea hustera sartu dira 2.500 polizia. Ekologistek salatu dutenez, Frantziako Polizia bortizki oldartu zaie, eta negar gasa erabili du haien aurka. Istiluak izan dira ekintzaileen eta polizien artean.

BBGko kanpalekuan lelo bat: "Gerrarik ez, janaria"

Gorka Berasategi Otamendi -

2018ko apirilak 9

Erresistentzia mugimenduen erreferentzia bihurtu da BBG gune autogestionatua Europan. Hura eraitsiko zuela iragarria zuen Frantziako Gobernuak, eta gaur gauean sartzeko agindu dio Poliziari. Tentsio handiko uneak izaten ari dira Poliziaren eta manifestarien artean.

Goizaldeko hirurak aldera sartu da polizia BBGan. Ekologistek salatu dute negar gasa eta zorabiatzeko granadak erabili dituztela haien aurka. Ekintzaileak Poliziari aurre egiteko antolatu dira, eta hainbat barrikada eraiki dituzte. Istiluak izan dira, eta molotov koktelak eta harriak jaurti dizkiete poliziei.

 

BBGko ekintzaileek prentsaurrekoa egin dute polizia operazioa salatzeko. "Suminduta" agertu dira, etxebizitza eta eremu komunitarioen suntsitzea dela eta. Gobernuari ohartarazi diote nahiko indar badutela Poliziak suntsitutako guztia berriz ere eraikitzeko, eta hala egingo dutela iragarri dute. BBGko kideek gizartea deitu dute gunera joatera, "proiektua babesten laguntzeko".

Frantziako Barne ministro Gerard Collombek, berriz, adierazi du BBGan bizi direnek eremua uzteko "gonbita" jaso zutela. Nabarmendu duenez, ekologista batzuek prefeturarekin elkarrizketa abiatzea onartu dute, eta "legediaren araberako nekazaritza proiektu bat" garatzen ari dira. "Horiek gobernuaren babesa dute", ziurtatu du.

Bretainiako Notre-Dame-des-Landesen aireportua eraikitzeko proiektuaren aurka sortu zen BBG gunea. Proiektuak ingurumenean sortuko zuen kaltea eragozteko, landa eremua okupatzera deitu zuten hainbat elkarte ekologistak. Egun, 300 ekintzaile baino gehiago bizi dira han.

Macronek urte hasieran jakinarazi zuen Notre-Dame-des-Landesen aireportua egiteko proiektuari uko egin ziola. Berrogei urte baino gehiagoko borroka baten garaipena izan zen BBG guneko ekologistentzat.

Frantziak 1970eko hamarkadaren erdialdean jakinarazi zuen asmoa zuela 2.000 hektareako eremu hartan aireportu bat egiteko. Nekazariek, baina, protestari ekin zioten, eta, gerora, 2009tik apalago eta 2012tik sendoago, erresistentzia mugimendu zabal baten babesa izan zuten.

BBG gunearen aurkako polizia operazioa salatzeko, mobilizazio batera deitu dute Baionan. Elkarretaratzea egingo dute 18:30ean, herriko etxearen parean.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 1ean eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan ez da inor hil COVID-19 gaitzaren eraginez. Bost positibo atzeman dituzte PCR probekin, eta 11 gaixo ospitaleratu dituzte. Euskal Herrian 29.309 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Bizkaiko pentsionistak protestan, pasa den astean. ©Luis Jauregialtzo, FOKU

Koronabirusak zahar etxeetan izandako eragina ikertzeko eskatu du Bizkaiko Pentsionisten Mugimenduak

Berria

Protesta egin dute gaur Bizkaiko pentsiodunek Bilboko udaletxearen aitzinean, eta argi utzi dute ez dutela murrizketarik onartuko osasun publikoan eta pentsioetan. Pentsiodunek zahar etxeen inguruko informazioa eskatu diete Eusko Jaurlaritzari eta Bizkaiko Aldundiari, baina ez dute erantzunik jaso. 

Gasteizko Txagorritxu ospitaleko Mikrobiologiako langileak, proba serologikoak aztertzen. ©Gorka Rubio / Foku

Hegoaldean ez da gaixorik hil azken 24 orduetan

Andoni Imaz

Araban, Bizkaian eta Gipuzkoan ez dute PCR bidezko positiborik atzeman, hiru hilabetean lehen aldiz. Azken orduetan, koronabirusaz kutsatutako hamar lagun ospitaleratu dituzte; hiru, ZIUn.

Zahar etxeetan gertatutakoa argitzeko eskatu dute pentsiodunek gaurko mobilizazioetan. ©Aritz Loiola / FOKU

Leiho berriak mugikortasunari (eguneko laburpena)

Pello Urzelai

Euskal Herrian ez da izan hildakorik azken orduetan. PCR proba bidezko positibo berriak gutxi izan dira: bost, denak Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna