Kolonbia

Kolonbiak Jesus Santrich FARCeko buruzagi ohia atxilotu du

Santrich AEBetara estraditatuko dutela adierazi du Juan Manuel Santos presidenteak, hari leporatzen zaizkion narkotrafiko delituak epaitegietan frogatzen badira. FARCek "azpijoko judiziala" salatu du.

'Jesus Santrich' FARC talde armatu ohiko buruzagi izandakoa, artxiboko irudi batean. /
'Jesus Santrich' FARC talde armatu ohiko buruzagi izandakoa, artxiboko irudi batean. / Leonardo Muñoz/EFE

Gorka Berasategi Otamendi -

2018ko apirilak 10

Kolonbiako segurtasun indarrek Seusis Hernandez —Jesus Santrich izenez ezaguna— atxilotu dute, eta hura AEBetara estraditatzeko prestasuna agertu du Kolonbiako Gobernuak. Santosen esanetan, estraditazio prozesua abian jarriko da, Santrichi leporatzen zaizkion drogra trafikoko delituak frogatzen badira. "Nazioko fiskal nagusiak jakinarazi dit, ikerketa sakonen ondorioz, Seusis Hernandez jaunaren kontrako froga eztabaidaezinak dituela, akordioaren sinaduraren ondorengo narkotrafiko delituei lotuta".

FARCek gaitzetsi egin du Santrichen atxiloketa, eta "azpijokoa" dela ziurtatu du. FARCen esanetan, haren buruzagi ohiaren atxiloketa Kolonbiako bake prozesuaren kontrako erasoa da.

Gobernuak eta FARCek 2016ko azaroan sinatu zuten bake akordioak talde armatu ohiko kideen estradizio aukera jasotzen du, baldin eta akordioren ostean delituak egin dituztela frogatzen bada. Akordioaren puntu hori ekarri du gogora Santosek, Santrichen kotrako "froga eztabaidaezinak" baldin badaude, hura estraditatzeko baimena emango duela iragarri duenean.

Santrichi eta beste hiru laguni 10 tona kokaina AEBetara bidaltzea leporatzen die New York hegoaldeko distrituko epaitegi batek. Akusazioak jasotzen dituen gertaerak 2017ko ekainaren eta 2018 apirilaren artekoak dira, eta, beraz, delituak frogatuko balira, bake akordioaren ondoren eginikoak lirateke. "Atxilotuek bake akordioaren balioak eta printzipioak urratu dituzte", adierazi du Kolonbiako fiskal nagusiak.

FARCek, ordea, Santrich errugabe dela esan du. Hala ohartarazi du Ivan Marquez FARCeko buruak: "Bake prozesuaren orain arteko unerik latzena da. Gobernuak esku hartu beharra dauka azpijoko juridiko horrek gerrillariengan mesfindantza eragin ez dezan".

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Ordiziako herritar batzuk maskarak jantzita, atzo. ©JAVIER ETXEZARRETA / EFE

Agerraldiak ugaritu egin dira

Irati Urdalleta Lete, Iosu Alberdi Igor Susaeta

Beste bi foku agertu dira Nafarroan: Tuterakoan 23 pertsonak eman dute positibo, eta Iruñekoan, bostek. Ordiziakoan 58 dira kutsatutakoak; Murgarentzat, ez dago konfinamendua ezartzeko beharrik

 ©JON URBE / FOKU

Maskara, paisaiaren parte, era orokortuan ez bada ere

Arantxa Iraola - Amaia Ramirez de Okariz Kortabarria - Edurne Begiristain -Olatz Silva

Birusak hedatzen segitzen duela erakutsi dute azken egunotako datuek; izurriari euste aldera, beraz, maskararen erabileraren aldeko ahotsak ozentzen ari dira. Ez da uniformea erabilera. Errenterian, Hendaian eta Urruñan, Gasteizen eta Barakaldon izan da BERRIA erabilera aztertzeko.

Bi erizain, Galdakaoko ospitalean (Bizkaia) maiatzaren 6an, 55 egun gaixorik zeramatzan gizon bat sendatu zela ospatzen. ©ANDONI LUBAKI / FOKU

Koronabirusaren lehen kolpea Euskal Herrian: 2.152 hildako lau hilabetean

Mikel P. Ansa

Martxoaren 1etik ekainaren 30era, lau hilabete. Neguaren azken hondarra, eta udaberri guztia. Koronabirusaren pandemiak hankaz gora jarri du Euskal Herria, eta bizimoduak astindu ditu. Pandemiaren lehen olatuaren balantzea egin du BERRIAk, hamazazpi grafiko eta hamazazpi galdera hauekin.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna