KATALUNIA

JxCk ez du "desobedientzia egoerarik" behartuko

Puigdemonten hautagaitza bertan behera utzi du Auzitegi Konstituzionalak, Espainiako Gobernuaren helegitea onartu ondoren.

Pujol besoa altxatuta, herenegun parlamentuan.
Pujol besoa altxatuta, herenegun parlamentuan. QUIQUE GARCIA / EFE

Igor Susaeta -

2018ko apirilak 27

Eduard Pujol JxC Junts Per Catalunyako bozeramaileak Efe berri agentziari adierazi dionez, "gatazkaren okerreko norabidea" elikatzea litzateke Konstituzionalaren erabakia desobeditzea. "Ez dago arazo berriak eragiteko borondaterik".

Halere, Konstituzionalaren erabakiaren berri eduki eta gutxira, datorren ostegunerako osoko bilkurara deitu zuen, atzo, Roger Torrent Kataluniako Parlamentuko presidenteak (ERC). Eta saioko gai zerrendan dago Puigdemont telematikoki presidente inbestitua izateko asmoarekin Presidentetza Legean erreforma egitea. Madrilek nabarmendu izan du aldaketa inpugnatuko duela.

Konstituzionalak tramiterako onartu zuen, atzo, joan den urtarrilaren amaieran Madrilek jarritako helegitea. Horren ondorioz, eta auziaz ebatzi bitartean, presidente kargugabetua ezingo litzateke hautagaia izan. Dena den, Pujolek nabarmendu du "beharrezkoa" dela Puigdemonten aukerari eustea.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

 ©BERRIA

«Transmisio komunitario bat daukazunean, ezin da telefono bidez kudeatu»

Jon Ordoñez Garmendia

Epidemia betean harrapatu dute hauteskundeek Ordizia, eta kezkatuta dago Ezenarro. Arriskuaz ohartarazi arren, neurri bereziak hartuta egingo dituzte bihar. Erakundeen babesa eta mahai tekniko bat sumatu ditu faltan.

Jendea kalean asteon, Gasteizen. ©JAIZKI FONTANEDA / FOKU

Tutera eta Ordiziako kasuen oldarraldien harira, adi ibiltzeko eskatu dute

Arantxa Iraola

Sorburua Ordizian duten 69 kasu agertu dira; Tuterakoarekin zerikusia dutenak 31 dira. «Transmisio komunitarioa» egiaztatzeko dago beste hainbat tokitan; ikertzen ari dira

Bi lagun, terraza batean eserita, Orion. ©JON URBE / FOKU

Nork agindu tabernetan

Aloña Beraza Peña Irati Urdalleta Lete

Ordiziako taberna batetik zabaldutako fokuak piztu ditu alarmak aste honetan. Su gehiago ere ari dira pizten, Tuteran, Gasteizen... Tabernariak eta kudeaketan dabiltzanak kezkatuta daude.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna