Albistea entzun

Artea

Urte bezainbeste artelan

1908ko urrian jarri zen martxan Bilboko Arte Ederren Museoa bilakatuko zena, eta bere bildumako 110 artelanik esanguratsuenak erakutsiz ospatuko du urteurrena

Irekiera ekitaldian bisitari multzo bat, atzean Rafael Balerdire artelan batekin
Irekiera ekitaldian bisitari multzo bat, atzean Rafael Balerdire artelan batekin Luis Jauregialtzo/Foku

Iñigo Astiz -

2018ko maiatzak 8 14:13

“Artelan bakoitza museoaren urtebetetze tarta handiko kandela bat balitz bezala da”. Irudi horrekin laburbildu du Miguel Zugaza Bilboko Arte Ederren museoko zuzendariak, ireki berri duten 110 urte, 110 artelan erakusketa. Erakundearen urteurrena ospatzea da helburua, izan ere, eta horretarako museoaren bildumako lanik garrantzitsuenak hautatu dituzte. Guztira, 14.000 artelan inguru dituzte funtsetan, eta hautaketa zorrotza egin behar izan dute horregatik, zuzendariaren hitzetan. “Onenetan onenak” erakutsi dituzte soilik, eta XIII. mendetik XX. mendeko 90ko hamarkadara arte doan ibilbidea osatu dute haiekin. “Auto-erretratu bat da”, onartu du Zugazak. Irailaren 17ra arte egongo da zabalik.

Arista ezagun zerrenda luzea

Museoko ohiko bisitariak ezagun izango ditu bilduman dauden pieza gehienak, baina berriak dira antolaketa eta kokapena. BBK areto osoaz gainera, lehen solairuko sei gela ere hartzen ditu bildumak. Kronologikoki antolatu dute ibilbidea, eta Kristo gurutziltzatu erromaniko batek hartzen ditu bisitariak aurrez-aurre hasieran. Eta, aretoz areto, Europako eta Euskal Herriko artista esanguratsu zerrenda baten lanak datoz gero. Tartean dira, besteak beste, Lucas Cranach Zaharra, Grekoa, Joaquin Sorolla, Ribera, Paul Gauguin, Antoni Tapies, Adolfo Guiard, Aurelio Arteta, Jorge Oteiza eta Eduardo Txillida.

110 artelan, hiru emakumezko artista

Ibilbideko azken aretoak dira nobedade gehien dituztenak. Bertan dauden lanak dira, izan ere, museoan gutxien ikusi direnak. Angel Bados artistaren lan bat dago, esaterako, eta baita Sergio Pregoren bideo batek ixten du ibilbidea. 1998. urtean sortutako Tetsuo, porrotera kondenatua piezak, zehazki. Margolanak dira nagusi bilduman, baina eskultura kopuru esanguratsua bat ere bildu dute. “Kalitate kriterioak izan ditugu kontuan hautaketa egiterakoan, baina testuingurua ahalik eta osoen ere deskribatu nahi izan dugu; irizpide historiko eta geografikoak hartu ditugu horretarako kontuan”.

Hiru emakumezko artista daude 110 artelaneko bilduman. Mary Cassatt, Maria Blanchard eta Maria Helena Vieira Da Silva.

Bildumako artelan bakoitzari buruzko azalpenak biltzen dituen esku orriak argitaratu dituzte euskaraz, gaztelaniaz, frantsesez eta inglesez, eta katalogo bat ere kaleratu dute lau hizkuntzetan

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

El Mono Habitado konpainiaren 'Lurtarrok' antzezlaneko pasarte bat. ©La Caja Gris

Gezurrik gabeko lan eszenikoak, 29. dFeria jaialdian

Andoni Imaz

Martxoaren 13tik 16ra, 28 konpainia arituko dira Donostian, eta 44 emanaldi egingo dituzte guztira. Dantza eta antzerki ikuskizunak dira gehienak, eta, aurten, zirkua ere izango da. Jaialdia «erreferente» bilakatu nahi dute Europan.

<em>Komedia madarikatua</em> antzezlana. ©HODEI TORRES

Gai sakonak, umorez landuak

Olatz Enzunza Mallona

Bilboko Pabiloi 6 Antzerki Laborategiko Gazte Konpainiak 'Komedia madarikatua' estreinatuko du gaur, areto horretan bertan. Antzezlanak drama eta komedia uztartuko ditu , eta gizarte gatazkak izango ditu hizpide, «modu komikoan, betiere»

Kristonak taldeko bost kideak, <em>Ahobetehortz</em> diskoa iragartzeko argazki batean. ©KRISTONAK TALDEA

Etsipenetik piztu dira

Olatz Enzunza Mallona

Kristonak taldeak aro berri bat abiatu du, 'Ahobetehortz' lanarekin. Eskean Kristo atzean utzi arren, taldearen betiko nortasunari eutsi diote. Bihar hasiko dute bira, Ondarroan
Rotterdamen eta gurean ez da faszinagarriagorik

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.