Pilota

Elezkano II.a. "Ausarta izan behar dut"

Zaratamokoak eta Olaizola II.ak ez dute arazorik izan buruz buruko txapelketako finalerdietarako pilota aukeraketan.

Danel Elezkano eta Aimar Olaizola.
Danel Elezkano eta Aimar Olaizola. Jagoba Manerola / FOKU

Imanol Magro Eizmendi -

2018ko maiatzak 9

Aimar Olaizolak eta Danel Elezkanok buruz buruko partida jokatuko dute larunbatean, eta Labrit bete egingo da. Aspaldi agortu ziren sarrerak, eta larunbatean zutikakoak bakarrik egongo dira salgai. Apustuei dagokienez, 100-40ri irtengo dira Olaizolaren alde eta pilotak ez dira arazo izango. Biek gustukoak aurkitu dituzte saskian.

Olaizola ohituta dago horrelako partidak jokatzera, Elezkano, aldiz, berritasun handia da. Zaratamokoak argi du aurkaria dela faboritoa, «bera da onena», nabarmendu du pilota aukeraketaren ondoren, baina horregatik ez du jokatzeko bere modua aldatuko: «Erasoan jokatuz irabazi ditut aurreko hiru partidak, eta berdin jarraitu behar dut. Arriskatu egin behar dut, eta ausarta izan». Elezkanok Arteaga, Artola eta Bengoetxea VI.a kanporatu ditu.

Biak aurrelariak dira, sake-errematean trebeak, baina sake-errematea egiteko lehenbizi ondo sakatu behar da, eta hori da, bien ustez partidako gakoa. Olaizolak grafikoki azaldu du: «Buruz buru sei t’erdira atera eta pilota paretan itsasten baduzu oso zaila da aurkariak bueltatzea. Zaila dena, baina, sake hori egin ahal izatea da».

Beste finalerdia Jokin Altunak eta Joseba Ezkurdiak jokatuko dute, eta haiek ostegunean egingo dute aukeraketa, Bilbon.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

COVID-19aren jarraipen batzordea, Iñigo Urkullu lehendakaria buru dela, atzo Gasteizen. ©JON RODRIGUEZ BILBAO / EFE

Pandemia osoan izan den kopururik handiena zenbatu dute Bizkaian: 402

Olatz Esteban Ezkati

Hego Euskal Herrian 651 positibo izan dira. Hamasei egoiliar eta 36 langile kutsaturik daude Bizkaiko zahar etxeetan. Eusko Jaurlaritzak ez du baztertzen osasun larrialdia berrezartzea

Nekane Murga Osasun sailburua, atzoko agerraldian. ©Miguel Toña / EFE

Etxeratze agindua, zalantzazko muga

Irati Urdalleta Lete

Eusko Jaurlaritzak etxeratze agindua izan du hizpide; hau da, herritarrei eskubidea kentzea ordu jakin batetik aurrera kalean ibiltzeko. Adituek ez dute argi horretarako eskumenik ba ote duen.

Emakume bat, elikagaiak kalean saltzen, Quiton, Ekuadorko hiriburuan. ©JOSE JACOME / EFE

Birusari, errenta unibertsala

Cecilia Valdez

Koronabirusaren pandemiak pobrezia hedatu eta desberdinkeria areagotu duela ikusita, Latinoamerikako zenbait herrialdetan oinarrizko errenta unibertsala eta haren gisako neurriak ari dira aztertzen. Errentarentzako dirua nondik bildu, horixe da erronkarik handienetako bat.

Donibane Lohizuneko plaza, konfinamendu denboran ©Bob Edme

Donibane Lohizuneko ostatu bat hetsi dute

Ekaitz Etxamendi

Pirinio Atlantikoetako departamenduko prefeturak erabaki du Donibane Lohizuneko (Lapurdi) Le Miam ostatuaren hestea bost egunez, zigor gisa. Neurria beterik, gaur ireki dute berriro.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna