Albistea entzun

'noos auzia'

Avilako emakumeen espetxean kartzelatu dute Iñaki Urdangarin

Bart iritsi da Suitzatik Madrilera, eta Brievan aurkeztu du bere burua ia sei urteko espetxe zigorra betetzeko.

Iñaki Urdangarin, asteazkenean zigorra jasotzera joan zenean. /
Iñaki Urdangarin, asteazkenean zigorra jasotzera joan zenean. / Cati Cladera/EFE

Berria -

2018ko ekainak 18

Goizeko 07:30ean sartu da Iñaki Urdangarin espetxean, bost urte eta hamar hilabeteko zigorra betetzeko. Aurreko astean, bost hilabetez murriztu zion zigorra Espainiako Auzitegi Gorenak, eta bost eguneko epea eman zion bere burua nahi zuen espetxean aurkezteko. Avilakoa aukeratu du, Brieva herrian dagoena. Emakumeen kartzela da berez hori, baina modulu berezi bat dauka, eta Urdangarin bakarrik egongo da hor; ez du beste harremanik izango beste presoekin. Han bete zuen zigorra Luis Roldan Guardia Zibilaren zuzendari ohiak ere.

Asteazkenean jaso zuen Urdangarinek espetxeratzeko agindua, eta Suitzan egon da bart gauera arte. Ustelkeriagatik zigortu dute Noos auzian Espainiako erregearen koinatua. Zenbait hedabidek argitaratu dute Genevarekin erraz lot daitekeelako aukeratu duela espetxe hori (Barajastik 119 kilometrora dago), Cristina Borboikoaren bisitak errazteko. Hala ere, Espainiako Gobernuaren Espetxeetako Idazkaritzak erabakiko du gero "antolaketa eta segurtasun irizpideak jarraituz" hor mantentzen duen edo beste espetxe batera eramango duen.

Brievako espetxea 1989. urtean eraiki zuten; Avila hiriburutik hamar kilometrora dago. Duela gutxi 1,6 milioi euroko inbertsio bat egin dute berritzeko.

Espetxean sartu arren, epaiari babes helegitea jartzeko aukera du Urdangarinek. Auzitegi Konstituzionalera jo beharko du horretarako. Azken baliabide gisa, Espainiako Gobernuari indultua eskatzeko aukera ere izango du.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Fernando Grande-Marlaska Espainiako Barne ministroa, gaurko agerraldian, Espainiako Kongresuan ©J.C. Hidalgo / EFE

Grande-Marlaskak berriz esan du Espainian ez zela inor hil Melillako hesia igarotzeko ahaleginean

Ander Perez Zala

Espainiako Barne ministroak Guardia Zibila defendatu du, argudiatuta segurtasun indarren erantzuna «proportzionala» izan zela. Ikerketa batzuen arabera, gutxienez lagun bat hil zen Espainian sartzean.

 ©JAGOBA MANTEROLA / FOKU

«Gerra apartekoa da antolaketa sozial bat ezartzeko»

Igor Susaeta

Gerra erregimenaren eskema gobernatzeko eredu gisa aplikatzeak eragiten dituen egoerez eta ondorioez ohartarazi du Sanchez Cedillok 'Esta gerra no termina en Ucrania' liburuan.
NATOk berretsi du «behar beste denboraz» lagunduko diola Ukrainari

NATOk berretsi du «behar beste denboraz» lagunduko diola Ukrainari

Mikel O. Iribar - Igor Susaeta

Aliantzaren helburuetako bat da Putinek «irabazten ez duela bermatzea». G7ko herrialdeek adostu dute Ukrainako gerra krimenen ikerketak koordinatzeko sare bat egitea
Jiang Zemin, 2007ko argazki batean. / ©MICHAEL REYNOLDS, EFE

Jiang Zemin hil da, 1993tik 2003ra Txinako presidente izandakoa

Jon Ordoñez Garmendia - Maddi Iztueta Olano

Tiananmen plazako protesten ostean hartu zuen kargua, eta Alderdi Komunistan merkatu ekonomia sozialista kontzeptua txertatu zuen.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...