Lan gatazkak

Gipuzkoako autobusetan grebak egingo dituzte uztailaren 13an, 14an, 20an eta 21ean

Sindikatuek salatu dute patronalak ez dituela dietak ordaindu nahi.

Lurraldebusi ere eragingo dio grebak.
Lurraldebusi ere eragingo dio grebak. Juan Carlos Ruiz / Foku

Irati Urdalleta Lete -

2018ko uztailak 4

LAB, ELA, UGT eta CCOOek grebak deitu dituzte autobus zerbitzuetan uztailaren 13,14,20 eta 21erako. 30 enpresa inguruk egingo dute greba, eta tartean dira Lurraldebus eta Pesa ere.

Ekainaren hasieran, patronalarekin akordioaren aurreko batera iritsi baziren ere, dietak ordaintzea arautzen duen puntua ez du sinatu nahi patronalak orain. Honako puntuak betetzeko konpromisoari eusten dio patronalak: linea baten adjudikazioa duen enpresa aldatuz gero, langileek beren lanpostua mantenduko dutela ziurtatzea; soldata igoera; eta atsedenaldiak egiteko eskubidea izatea– sei ordu lan eginez gero 15 minutuko atsedenaldia eta bederatzi ordu baino gehiago lan eginez gero 30 minutukoa–.

Greba deialdiak 5.000 langileri eta autobusa erabiltzen duten gipuzkoar guztiei eragingo die, LABeko Ziortza Ameztoik adierazi duenez, gaur goizean, Gipuzkoako Aldundiaren egoitzaren aurrean egindako elkarretaratzean.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Bi pertsona maskarak soinean daramatzatela, autobusean. ©JUAN CARLOS RUIZ / FOKU

Lau gako asintomatikotasunaz

Arantxa Iraola

Kutsatu guztiek ez dituzte izaten sintomak. Adituek diote COVID-19an positibo emandakoen erdiek-edo, birusa izan arren, ez dutela batere sintomarik. Horrek zaildu egiten du izurriaren kontrola.

Ikasgela huts bat, artxiboko irudi batean. ©Jon Urbe, FOKU

Beste hamabost ikasgela itxi ditu Jaurlaritzak

Uxue Rey Gorraiz

Eusko Jaurlaritzak esan du 280 ikasgela daudela bakartuta Arabako, Bizkaiko eta Gipuzkoako hezkuntza sisteman, pandemiarengatik.

Sindikatuek jantoki zerbitzua bermatzeko egindako elkarretaratze bat, artxiboko irudian ©luis jauregialtzo / foku

Hezkuntza Sailak 630 langile kontratatu ditu jantokietarako

Irati Urdalleta Lete

EHIGEren iritziz, ez da nahikoa Arabako, Bizkaiako eta Gipuzkoako eskola publikoetako jantokietarako 630 langile kontratatzea. Hezkuntza Sailak ez du jardunaldi jarraitua ezarriko Haur Hezkuntzako eta lehen Hezkuntzako ikasleentzat.

PCR probak, Urdulizko ospitalean. ©Aritz Loiola, FOKU

Positibo gutxiago atzeman dira

Uxue Rey Gorraiz

Beste 679 detektatu dituzte Hego Euskal Herrian, eta apaldu egin da ospitaleratuen kopurua: 42 lagun sartu dituzte erietxean azken egunean. 72 gaixo daude ZIUetan. Gizonezko bat hil da Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna