Noiz sortua: 2018-07-06 09:35:58

autogobernua

Estatus berrirako oinarriak ezarri ditu Eusko Legebiltzarreko Autogobernu Lantaldeak

Eskubideei, nazioarteko harremanei eta xedapenei buruzko atalak falta ziren adosteko; EAJ, EH Bildu eta Elkarrekin Podemosek adostu dute eskubideen atala, eta EAJk eta EH Bilduk gainerakoak.

Maddalen Iriarte, aurrean Joseba Egibar eta Iñigo Iturrate dituela.
Maddalen Iriarte, aurrean Joseba Egibar eta Iñigo Iturrate dituela. / Foku

Jon O. Urain -

2018ko uztailak 6

Arabak, Bizkaiak eta Gipuzkoak izan beharreko estatus politikoaren oinarriak eztabaidatzen amaitu du Eusko Legebiltzarreko Autogobernu Lantaldeak. Hiru atal falta ziren eztabaida ixteko, eta gaurko bileran adostu dituzte.

Eskubideei buruzko atalean, orain arteko akordio zabalena lortu dute taldeek, EAJ, EH Bildu eta Elkarrekin Podemosek hitzartu baitute testua. Nazioarteko harremanen alorrean eta xedapenetan, EAJ eta EH Bildu etorri dira bat. Atzo, PSE-EEk boto partikularra aurkeztu zuen atal guztien inguruan.

Orain, oinarriei forma eman beharko die aditu talde batek. Irailaren 7rako, talde bakoitzak aditu bana izendatu beharko du batzorde hori osatzeko, eta, legebiltzarreko iturrien arabera, enkargua "argia" da: adostutako oinarriei testu artikulatuaren itxura ematea.

Lantaldea eratu zenetik mahai gainean egon da galdeketa "gaitzaile" bat egiteko aukera; alegia, Eusko Legebiltzarrak estatutua onartzean, eta Espainiako Gorteetara bidali aurretik, herritarrek kontsulta batean testua berrestea edo baztertzea. Adostu dituzten oinarrietan jasotzen da aukera hori, baina etorkizuneko erreformetarako; prozesu honetan galdeketa hori egiteko, eztabaidatzen jarraitu beharko dute taldeek.

"Kale itsua" PPrentzat

Fase "emankorra eta positiboa" izan dela adierazi du Joseba Egibar EAJko legebiltzarkideak. Bileraren ondoren eginiko agerraldian, PSE-EEren jarrera deitoratu du Egibarrek; azaldu duenez, PSEk oinarriei buruzko akordioen "aniztasuna" kritikatu izan du, baina atzo, eskubideen atalaz negoziatzen ari ziren unean, testu osoari boto partikularra aurkeztu zion PSEk. "Partekatzen dut akordioen beharra, baina akordioetarako ere zaletasun bat azaldu behar da", gaineratu duenez.

Akordioa "ona" dela uste du Maddalen Iriarte EH Bilduko legebiltzarkideak: "Oinarriak ipini ditugu autonomismoaren garaia amaitutzat emateko eta herri hau burujabetzaren bidean jartzeko. EH Bilduren jatorrizko proposamena ondo islatzen da akordio honetan elementu nagusietan".

Eskubideen atalean lortutako akordioa balioetsi du, berriz, Lander Martinez Elkarrekin Podemoseko bozeramailea: "Emakumeen eskubideen eta sozialen akordioaren %90ak Elkarrekin Podemosen zigilua darama. Akordioak emakumeentzako indarkeriarik gabeko bizitza, etxebizitza, politika publikoak, hezkuntza, osasun publikoa, enplegu duina eta adinekoen eskubideak ditu hizpide".

Jose Antonio Pastor PSE-EEko legebiltzarkideak kritika egin dio lantaldearen lan metodologiari, eta azpimarratu du "adostasun zabalak" bilatzen saiatu dela PSE. Gogorarazi duenez, lantaldea osatzeko legez besteko proposamenean jaso zen estatutua erreformatzeko bidea "marko juridikoaren barruan" egin beharra zegoela, eta erantsi du onartutako oinarriek ez dutela "segurtasun juridikorik".

Bilera osteko agerraldian, haserre agertu da Borja Senper PPko legebiltzarkidea: "Irtenbide juridikorik gabeko kale itsu batean gaude, eta, beldur naiz baita irtenbide politiko eta sozialik gabekoan ere ez gauden. Ea gai garen zentzugabekeria hau zuzentzeko".

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bi lagun hil dira COVID-19 gaitzaren eraginez. Bost positibo atzeman dituzte PCR probekin, eta lau gaixo ospitaleratu dituzte. Euskal Herrian 29.406 gaixok eman dute positibo guztira, koronabirusa atzemateko probaren bat eginda. Horietatik 2.068 hil dira. Grafikoak, albiste barruan.

Auto bat errepidean, Larragan (Nafarroa). ©Jesus Diges / EFE

Nafarroako Gobernuak «jarrera zuhurra» du lurraldeen arteko joan-etorriekin

Berria

«Autonomia erkidego guztiek dute lurralde mugakideen artean mugitzeko helburu bera, baina litekeena da erritmoak ez izatea berdinak», esan du Javier Remirez gobernuko bozeramaileak. Salvador Illa Espainiako Osasun ministroak atzo esan zuen hirugarren fasea bukatu arte ezingo dela autonomia erkidego batetik bestera bidaiatu. 

Heriotza kopurua asteka, Araban, Bizkaian eta Gipuzkoan. ©INE

Nabarmen hazi da izurriak eragindako heriotzen kurba

Edu Lartzanguren

Espainiako Estatistika Institutuak grafiko bat argitaratu du, erakusteko izurriak nola eragin duen heriotza tasan.

Iñigo Urkullu Jaurlaritzako lehendakaria, apirilean. ©/ Irekia

Urkulluk «elkartasuna» eskatu die langile publikoei, soldata «bermatua» dutelako

Jon O. Urain

Jaurlaritzako lehendakariak oharra egin dio Pedro Sanchezi: «Konpromiso bat du inbestidura bideratu zioten alderdiekin, eta horri muzin egiten badio berak jakingo du zer arrisku hartzen duen».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna