Indarkeria matxista

Gizonezko bat atxilotu dute Iruñeko sanferminetan, ukituak egitea egotzita

Emakume batek salaketa aurkeztu du haren aurka, Babes Zibilerako Tokiko Batzarrak jakinarazi duenez.

Eraso sexisten kontrako pankarta bat, Iruñeko etxebizitza bateko balkoian. /
Eraso sexisten kontrako pankarta bat, Iruñeko etxebizitza bateko balkoian. / Idoia Zabaleta/Foku

Berria -

2018ko uztailak 10

Poliziak gizonezko bat atxilotu du Iruñeko sanferminetan emakume bati ukituak egin dizkiolakoan. Emakumeak gizonezkoa salatu du, eta Iruñeko Udalak eskura dituen baliabideak eskaini dizkio. Horien artean, orientaziorako laguntza eta arreta judizial nahiz psikologikoa.

Iruñeko Udalak indarkeria matxistaren erasoei aurre egiteko protokoloa ezarri du. Protokolo horren helburuetako bat da biktimei babesa ematea; bai arreta eskainiz, baita informazioa erraztuz ere. Beste xedeetako bat erasoaren biktima errudun sentitzea eragoztea da. Gizartearen edo hedabideen presioaren ondorioz etigmazitatua izatea sahiestu nahi du.

Iruñeko Udalak adierazi du hiritarrek eta hiriko erakundeek indarkeria matxistarekin amaitzeko konpromisoa berresten dutela, aurten udalak abian jarri duen kanpainaren leloak dioen moduan: Iruñea eraso sexistetatik libre.

Erasoren bat jasaten duten pertsonak salaketa aurkeztera animatu ditu udalak, eta herritarrak orohar jarrera sexistak era aktiboan baztertzera deitu ditu.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna