Iruzurra

Arreta eskatu dute Nafarroan, Internet bidezko iruzur ahaleginak ugaritu direla eta

Hainbat herritarrek salatu dute mezuak jaso dituztela ohartaraziz euren sistemetara sartzeko pasahitzak eskuratu dituztela eta ordaindu ezean informazioa zabalduko dutela.

Internet bidez zabaltzen ari diren mezuetako baten irudia. FORUZAINGOA
2018ko uztailaren 21a
00:17
Entzun

Azken asteeetan salaketa ugari jaso ditu Nafarroako Poliziak, Internet bidez egindako iruzur ahaleginekin lotuta guztiak. Erabiltzaileek ingelesez idatzitako mezu elektroniko bat jasotzen dute non egileak ohartarazten dion bere artxiboetara sartzeko pasahitza eskuratu duela, eta kopuru jakin bat ordaindu  ezean bertan dituen irudiak zabalduko dituela.

Foruzaingoak azaldu duenez, pirata informatikoek erabiltzaileen beldurra baliatzen dute, eta iruzurra sinestarazteko sare sozialetan lortutako datu pertsonalak erabiltzen dituzte. Beste kasu batzuetan, berriz, foroetan eskuragarri dauden erabiltzaile zerrendak erabiltzen dituzte mezuak zabaltzeko eta xantaia onartzeko prest egon daitekeen norbait topatzeko. 

Horiek hala, halako mezuren bat jasoz gero pasahitzak aldatzea aholkatzen du Foruzaingoak, eta jarraian salaketa jartzea, ikerketa berehala abiatu ahal izateko.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.