Memoria historikoa

Francori emandako Bizkaiko harribitxizko domina berreskuratzeko eskatu dio Ezker Anitzak diputazioari

Bizkaiko Batzar Nagusiek 2001ean erabaki zuten diktadoreari ohorezko izendapenak kentzea; diputazioak 2011n onartu zuen izendapenak indargabetzeko dekretua.

Xabier Jimenez Ezker Anitzako Bizkaiko koordinatzaile nagusia, gaur, Bizkaiko Foru Aldundiaren egoitza nagusiaren parean egin duen agerraldian. /
Xabier Jimenez Ezker Anitzako Bizkaiko koordinatzaile nagusia, gaur, Bizkaiko Foru Aldundiaren egoitza nagusiaren parean egin duen agerraldian. / June Prieto/Foku

Ibai Maruri Bilbao -

2018ko uztailak 24

Bizkaiko Diputazioak hainbat ohorezko izendapen eman zizkion Francisco Franco Espainiako diktadoreari. Besteak beste, 1950ean semetzako bizkaitar izendatu zuen, eta, 1962an, harribitxizko Bizkaiko domina eman zion. 2001ean, Bizkaiko Batzar Nagusiek ohore guztiak kentzea onartu zuten. 2011n bete zuen agindu hori Bizkaiko Foru Aldundiak. Ezker Anitzak beste pauso bat eman nahi du: harribitxizko domina bera berreskuratzeko eskatu dio Unai Rementeria ahaldun nagusiari. Bizkaiko koordinatzaile Xabier Jimenezek egin du eskaera, foru jauregiaren aurrean goizean egin duen agerraldian. 

Jimenezek gogoratu du 2001ean hiru erabaki hartu zituztela Batzar Nagusiek: Francori ohorezko izendapenak kentzea, herrialdeko sinbologia frankista eta faxista desagerraraztea eta harribitxizko domina berreskuratzea. "Lehena betetzeko hamar urte behar izan zituen diputazioak. Beste biak egiteko ditu oraindik". Domina berreskuratzeko diputazioak eskura dituen baliabide guztiak erabiltzeko eskatu dio Rementeriari. "Balio historiko eta sinboliko handia du". Horrez gainera, sinbologia faxista kentzeko lan egiteko ere eskatu dio. 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Jendea terrazetan Bilbon, astelehenean. ©Aritz Loiola/FOKU

651 kasu atzeman dituzte Hego Euskal Herrian

Berria

Bizkaian kasu gehien atzeman diren eguna izan da: 402. Osasun Saila eta Bizkaiko Foru Aldundia arratsaldean bilduko dira egoera aztertzeko.

 ©JON URBE / FOKU

«02:00etan, festak ezin du segitu eremu pribatuetan»

Aitor Biain

Herritarren parte hartze handiagoa eskatu dute ostalariek, ardura guztia beren bizkar izan ez dadin. Ataka estuan direla ohartarazi dute, eta babes ekonomikoa galdegin diote administrazioari, helegitea onartu edo ez.

Donibane Lohizuneko plaza, konfinamendu denboran ©Bob Edme

Donibane Lohizuneko ostatu bat hetsi dute

Ekaitz Etxamendi

Pirinio Atlantikoetako departamenduko prefeturak erabaki du Donibane Lohizuneko (Lapurdi) Le Miam ostatuaren hestea bost egunez, zigor gisa. Neurria beterik, gaur ireki dute berriro.

Osasun langileak PCR probak egitn Donostian, iragan astean. ©Gorka Rubio/FOKU

Getxoko Bikain tabernan eta Gasteizko Sagartoki eta Oh Malbec jatetxeetan izan zirenei proba egiteko eskatu die Jaurlaritzak

Berria

Toki horietan izan zirenek beren osasun etxera edota osasun aholkularitzara deitu beharko dute ordua hartzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna