Gasteizko Jaiak

Hasi dira festak Gasteizen

Zeledon jaistearekin batera abiatu dira Andre Maria Zuriaren jaiak. Milaka lagun elkartu dira plazan. Aurten, Zalduondoko gizonak aterki morea eraman du emakumeen aurkako indarkeria salatzeko.

Zeledon, aterki morearekin
Zeledon, aterki morearekin Endika Portillo / Foku

Aitor Biain -

2018ko abuztuak 4

Arratsaldeko seiak jotzearekin batera hasi dira festak Gasteizen. Ohiko legez, suziriak eztanda egin orduko jaitsi da Zeledon San Migel Elizako kanpandorretik Andre Maria Zuriaren plazako balkoira. Milaka lagun zituen zain han; larunbata izaki, leporaino bete da plaza. Festa giroan zeharkatu du plaza Zalduondoko gizona hezurmamitzen duenak, Gorka Ortiz de Urbinak. Aurtengoan, berritasun batekin: aterki morea eraman du emakumeen aurkako indarkeria salatzeko eta jaiak berdintasunean ospatzeko mezu gisara. Plazan bertan ziren asko eta askok ere elastiko moreak zituzten soinean, udalaren egindako deiari erantzunez. 

Ziztu bizian egin du zeharkaldia, eta, azken urteetan ez bezala, txapel eta guzti iritsi da San Migel elizako balkoira. Blai eginda iritsi da, halere, bidean jaurti dioten ur eta edari pilaren ondorioz. Gorka Urtaran alkateari jarri dio zapi gorria aurrena, eta gainerako udal eta ordezkari politikoei ondoren. Baita suziria jaurtitzeko ardura izan duten lau adinekoei ere: Andrea Corres, Aurelia Encarnacion, Daniel Uriondo eta Juan Luis Soriguren. Eta herritarrak agurtu ditu berehala: “Aupa Gasteiz!”, oihukatu du Ortiz de Urbinak, eta Zeledonen kantua abestu segidan. Jaietan errespetuz jokatzeko aldarria ere egin du: “Ez da ez!”, nabarmendu du.

Gainerako aldarrikapenik ere ez da falta izan. Presoen aldeko pankartak zabaldu baitituzte Zeledon jaisten hastearekin batera: “Orain presoak” edota “Amnistia” zioten pankartak irakur zitezkeen.

Bero egin du arratsaldean Gasteizen –30 gradutik gora–, eta suhiltzaileak ura botatzen aritu dira plazaren ertz batean. Horrez gainera, aurten, bigarren urtez jarraian, ezin izan da latarik eta beirarik sartu Andre Maria Zuriaren plazan. Hori ekiditeko, sarreretan kontrolguneak jarri ditu udaltzaingoak, eta banan-banan miatu ditu motxila eta zaku guztiak. Udalak 17.000 plastikozko edalontzi ere banatu ditu.

 

 

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Antigeno testak, Erriberriko baheketan. ©Iñigo Uriz, FOKU

Positiboen ehunekoak %10eko langa gainditu du Nafarroan

Uxue Rey Gorraiz

Osasunbideak eta Osakidetzak beste 847 kasu atzeman dituzte igandean Hego Euskal Herrian. Egun bakarrean egindako proben %8,8k eman dute positibo; Nafarroan, zehazki, %11,7 da positiboen portzentajea. 112 lagun daude Hegoaldeko ZIUetan: abenduaren 21etik izan den daturik makurrena.

'Proiektatu Iñigoren aurpegia eraikinetan' ekimena, heriotzaren 8. urteurrenean. ©Aritz Loiola / Foku

'Cabacas auziko' ebazpena berretsi du Gorenak

Berria

Auzitegiak ez du aurkeztutako helegiteak onartzeko arrazoirik ikusi, eta Bizkaiko Lurralde Auzitegiak jarritako zigorra ontzat jo du. Gaineratu du epaiketak berme guztiak izan zituela, ikerketak «partzialki huts egin» arren.

Erizain bat, Pfizerren txertoa jartzen. ©EFE

Txertoen erdiekin iritsi da Pfizerren asteroko bidalketa Hego Euskal Herrira

Ion Orzaiz

Eztabaida piztu da ordezkari politikoen artean, dosien banaketa dela eta

Espeleologo taldeko kide bat, topatu duten atzapar marketako batzuen ondoan. ©Ades espeleologia taldea

Erpe markak eta giza garezur bat topatu dituzte Amorotoko kobazulo batean

Edu Lartzanguren

Gernikako Ades taldeak orain arte ezagutzen ez zen harpe bat aurkitu eta esploratu du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna