Albistea entzun

Venezuela

Sei "terrorista" atxilotu dituzte Venezuelan, Maduroren kontrako erasoarekin lotuta

Venezuelako presidenteari lehergailuz hornitutako dronekin egin zioten eraso, larunbatean. Militarrek leialtasuna adierazi diote.

Maduroren kontrako erasoko leherketaren unea, Venezuleako presidentea Caracasen hitzaldia ematen ari zenean. /
Maduroren kontrako erasoko leherketaren unea, Venezuleako presidentea Caracasen hitzaldia ematen ari zenean. / Venevision

Gorka Berasategi Otamendi -

2018ko abuztuak 6

Sei "terrorista" atxilotu dituzte Venezuelako segurtasun indarrek, joan den larunbatean Nicolas Maduro Venezuelako presidenteak jasan duen erasoarekin lotura dutelakoan. Nestor Reverol herrialdeko Barne ministroak azaldu duenez, hainbat hoteletan egindako miaketetan "froga oso garrantzitsuak" atzeman dituzte.

Jorge Arreaza Venezuelako kantzilerraren esanetan, erasotzaileek zerikusi zuzena dute Oscar Perez polizia ohiak zuzentzen zuen talde armatuaren hondarrekin. "Zelula desegin zenean, hainbat ordutako negoziazioaren eta halabeharrezko gatazkaren ondoren, zenbait gobernuk elkartasuna adierazi zieten terroristei eta zenbait presidentek legez kanpoko exekuzioa izan zela ere esan zuten; ikusi orain ondorioak zein diren", adierazi du Arreazak.

Maduroren kontrako erasoa larunbat arratsaldean gertatu zen, Guardia Nazional Bolibarraren ospakizun ekitaldi batean, presidentea militarren aurrean hitzaldia ematen ari zenean. Lehergailuz hornitutako bi dronek eztanda egin zuten eta zazpi soldadu zauritu zituzten, datu ofizialen arabera.

Madurok Venezuelako eta Kolonbiako ultraeskuinari leporatu dio erasoa eta haren atzean Juan Manuel Santos Kolonbiako presidente ohiaren "eskua" dagoela ziurtatu du. Horrez gain, erasoaren egile intelektualak eta erasoa finantzatu dutenak Floridan daudela gaineratu du. Hori dela eta, Donald Trump AEBetako presidenteari zuzendu zaio. Madurok Trumpi eskatu dio "talde terroristei" aurre egin diezaiela. Erasoa Franelazko Soldaduak izeneko taldeak hartu du bere gain.

Reverol Barne ministroak adierazi duenez, ikerketan bildutako zantzuek frogarzen dute atentatua "terrorismo delitua eta zapuztutako magnizidioa" izan dela. "Terrorista eta sikario horiek indarkeria espiralean sakondu dute", nabarmendu du.

Reverolen esanetan, Maduroren segurtasunaz arduratzen den Ohorezko Guardiaren "teknika bereziek" eta seinale inhibitzaileek zapuztu dute erasoa, dronak nahasi eta erasotzaileek aurreikusitako perimetrotik kanpo leherrerazi baitzituzten.

Santos Kolonbiako presidente ohiak ukatu egin du Maduroren kontrako erasoarekin inolako zerikusirik duenik. Venezuelako oposizioak ere gobernuaren erreakzioa gaitzetsi du, eta hari leporatu dio oposizioari era arduragabean erasotzea, arreta herrialdearen "egiazko arazotik" desbideratzeko: "giza hondamenditik".

Venezuelako militarrek "leialtasun mugagabea" adierazi diote Madurori, eta ohartarazi dute ez dutela onartuko herrialdeko "subiranotasuna urratzea". Adierazpen batean ziurtatu dute erasoa "desegonkortasuna eragiteko planen parte" dela. Gaineratu dutenez, militarrek ez dute babestuko "bide demokratikoetatik kanpo" boterea hartzen saiatzen den gobernurik. "Gisa honetako ekintza kriminalak egiten dituen edozein taldek gure erantzun irmoa jasoko du".

 

 

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Mafapo Positibo Faltsuen Amak elkarteko kide batzuk, artxiboko irudi batean. ©BERRIA

Kolonbiako positibo faltsuak

Cecilia Valdez

Uriberen agintaldian, militarrei emaitzak galdegiteko asmoz aurrera eraman zuten Segurtasun Demokratikoaren Doktrina. Egiteko hark premiaturik, soldaduek milaka gazte pobre exekutatu zituzten judizioz kanpo. Soachan 2007 eta 2008 artean gertaturikoa da adibideetako bat.
 ©DAVID FERNANDEZ

«Marokok ikasi du horrelako ekintzek dirua ematen diotela»

Olatz Silva Rodrigo

Ekainaren 24an Melillan gertatutakoa argitu nahian, ikerketa egin du Lighthouse Reportsek. Eta bertan hartu du parte Jose Bautista kazetariak. Pertsona bat Espainiaren kontrolpeko lurraldean hil zela egiaztatu dute.
Pedro Castillo, Poliziaren autoan, asteazkenean atxilotu berritan. ©RENATO PAJUELO/ EFE

Pedro Castillok Mexikori egindako asilo eskaera berretsi du kartzelatik

Mikel Elkoroberezibar Beloki

Peruko presidente ohia preso egongo da, oraingoz, hilaren 13ra arte. Dina Boluartek Mexikoren esku utzi du asilo eskaeraren auzia.

Europako Parlamentuak Estrasburgon (Frantzia) duen egoitza. ©EFE

Europako Parlamentuko presidenteorde bat atxilotu dute, ustelkeria egotzita

Mikel Elkoroberezibar Beloki

Bost lagun atxilotu dituzte guztira. Poliziaren arabera, Qatar Europako Parlamentuan hartzen dituzten erabaki politiko eta ekonomikoetan eragina izaten ahalegindu zen, besteak beste, atxilotuen bidez.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...