Albistea entzun

Astigarraga eta Lasarte arkitektoek eraberrituko dute Koldo Mitxelena eraikina

'KMK 2020' proiektuak irabazi du lehiaketa, "eraikinaren egiturari eta identitateari errespetu handienez eutsi diena" baita, epaimahaiaren iritziz. Obra 2019ko udazkenean hasiko dela aurreikusten dute.

Koldo Mitxelena Kulturuneko sarrera eraberritua, proiektu irabazlearen arabera.
Koldo Mitxelena Kulturuneko sarrera eraberritua, proiektu irabazlearen arabera. Gipuzkoako Foru Aldundia Tamaina handiagoan ikusi

Andoni Imaz -

2018ko abuztuak 29 17:43

Hasieran pentsatu baino azkarrago doa Donostiako Koldo Mitxelena Kulturunea eraberritzeko egitasmoa, Denis Itxaso Gipuzkoako Kultura diputatuaren ustean. Uda aurretik iragarri zituzten ideia lehiaketan aukeratutako bost proiektuak, enpresen ibilbideari eta esperientziari erreparatuta. Bakoitzak bere aurreproiektua aurkeztu ondoren, Astigarraga eta Lasarte / Bab Arquitectos enpresek osatutako aldi baterako batasunaren KMK 2020 aukeratu du epaimahaiak.

"Oso proposamen ausartak" jaso dituztela azpimarratu du Itxasok, baina irabazlea izan da "eraikinaren egiturari eta identitateari errespetu handienez eutsi diena, eta espazioen komunikazioak eta moldakortasuna ondoren konpontzen dituena". Halere, negoziaketa hasiko da orain: irabazi ez duten proiektuen artean ere badira epaimahaiari interesgarriak eta egingarriak iruditu zaizkion ideiak, eta horiek txertatzeko aukera izango dute. Gainera, beharrezkoak ez diren gauzak ezabatuko dituzte proiektutik. Aurreikusitakoa baino aurrekontu handiagoa izango du proiektuak, finalista guztiek ikusi baitzuten Foru Aldundiak iragarritako 6 milioi euroak ez zirela nahikoa "eraikinak behar dituen aldaketak egiteko". 9-10 milioi ingurukoa izango dela aurreikusi dute, eraikinaren gabeziak konpontzeaz gain, moldatu ere egingo delako.

"Moldakortasuna" behin eta berriro aipatu dute Itxasok eta epaimahaiko Joaquin Montero arkitektoak gaur goizeko prentsaurrekoan, Kulturunea berrantolatuko baita, egitura errespetatuz. "Gaur egungo kultur zentro batek dituen eskakizunei" erantzungo die hala Koldo Mitxelenak, eta etorkizunean horrelako eraikin batek izan ditzakeen beharretara egokituko dute. Aldaketen artean, nabarmendu dute irakurketa areto handi bat sortzea proposatzen dela, liburutegiko erabiltzaile guztientzat. Ganbara aretoari "balioa eman" nahi diote, eta irisgarritasuna hobetzea izango da horretarako lehen urratsa. Beheko solairuan, barruko plaza bat egitea da proiektuaren beste bereizgarrietako bat, eraikineko espazioak errazago lotzeko.

Monterok argi du gaur egun liburutegiek ez dituzte duela 25 urte zituzten behar berberak, eta eraikineko liburutegiaren erabilera arazoak konpontzea da obraren helburuetako bat. Arkitektoak ez du uste irudi berria sortu behar denik, dagoeneko izaera bat duen eraikin bat egokitu eta etorkizunerako prestatu baizik: azalera irabazi eta irisgarriago egin. Liburutegiaren espazioa, esaterako, %50 handituko da.

Orain, sei hilabeteko epea izango dute obren betetze proiektua idazteko, eta udaberrian lehiaketara aterako dira obrako lanak. Hortaz, obra 2019ko udazkenean hasiko dela aurreikusten dute, eta Koldo Mitxelena Kulturunea itxita egon beharko da hurrengo bi urteetan.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Jon Ander Urresti —sariaren txartelari eusten—, gaurko ekitaldian, epaimahaikideekin eta babesleekin batera. ©Marisol Ramirez / Foku

Jon Ander Urresti aktorearen 'Eucalyptus' proiektuak irabazi du sormen beka

Andoni Imaz

Eukaliptotik abiatuta, «lurren eta bizitzen kudeaketari» buruzko lan bat sortuko du Urrestik, antzerkia eta dantza uztartuz. Beka 15.000 eurokoa da, eta datorren urteko azokan aurkeztu beharko du emaitza.

Gaztetxo talde bat, atzo goizean, Durangoko Azokako ateak irekitzeko zain. ©MARISOL RAMIREZ / FOKU

Galdera olde bat ateei bultzaka

Andoni Imaz

Ehunka gazte izan dira Durangoko Azokako Ikasle Goizean, eta haiek ekarri dituzte azokaren itzulerako lehen pilaketak. Kontzertuetan eta tailerretan ere parte hartu dute gazteek
Ikasleak, atzo, Landako gunean. ©Marisol Ramirez / Foku
Aurten, 248 erakusmahai jarri dituzte guztira Landako gunean, eta 930 nobedade daude bertan salgai. ©MARISOL RAMIREZ / FOKU

Eta azkenik argia?

Itziar Ugarte Irizar-Iñigo Astiz

Itxaropentsu daude liburu eta disko saltzaileak aurtengo Durangoko Azokak har dezakeen itxurarekin. Azken bi urteak gorabeheratsuak izan direla diote, eta izan da 2020. eta 2021. urteak «hekatonbetzat» jo dituenik ere

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.