Noiz sortua: 2018-09-05 14:52:47

Nafarroa

Asironek gaitzetsi egin du bera matxistatzat jo izana

Facebookeko bere kontutik erantzun die Iruñeko alkateak Maite Esporrin zinegotzi sozialistak prentsaren aurrean egindako adierazpenei.

Joseba Asiron Iruñeko alkatea, artxiboko argazki batean. /
Joseba Asiron Iruñeko alkatea, artxiboko argazki batean. / Iñigo Uriz/Foku

Arantxa Elizegi Egilegor -

2018ko irailak 5

Oposizioko gizonezko kideak "hobeto" tratatzen dituela esan, eta jokabide "matxista" izatea egotzi zion atzo Maite Esporrin Iruñeko zinegotzi sozialistak Joseba Asiron alkateari. Haren esanetan, alkateak "errespetu handiagoz" jokatzen du oposizioko beste bozeramaileekin.

Esporrinek prentsaurrean egindako adierazpenei sare sozialen bidez erantzun die Asironek, eta gogor kritikatu ditu bere aurkako hitzok, gogora ekarriz irakaskuntzan aritu izan den 24 urtean emakumezko ugarirekin lan egin duela, eta inork inoiz ez diola halakorik egotzi. "Zazpi urtez izan nintzen zuzendaritzako kide, 140 langile baino gehiagoko ikastetxe batean, eta haietatik %80 inguru emakumeak ziren. Ez dut uste haien artetik bakar batek ere esango duenik emakume izateagatik gutxietsi nuela".

EH Bilduko kideak onartzen du politikan sartu zelarik ohartarazi ziotela bere aurka egingo zutela, baina aitortzen du ez zuela halako erasorik espero. "Inoiz emakumezko ikasle edo irakasle bakar batek ez dit esan bidegabeko tratua eman izan diodanik, edo gizonezkoei tratu hobea eman izan diedanik. Inork ez dit leporatu, zuk ia ezagutu gabe, egotzi didazuna. Dena ez da onargarria politikagintzan".

Zinegotziaren jarrera gaitzetsi egin du alkateak Facebookeko bere kontuan argitaratutako oharrean, eta leporatu dio "zaborra zabaltzen ahalegintzea", mikrofono bat aurrean duela baliatuta. "Har ezazu kontuan, alkate hau bezalako jendeari buruzko gezurrak zabaltzeko ahaleginean, lortu duzuna izan dela zu benetan nolakoa zaren erakustea", gaineratu du Asironek.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©Berria

Koronabirusaren azken datuak

Berria

Euskal Herrian 12.066 gaixok eman dute positibo koronabirusaren proba eginda. 737 hil dira. COVID-19 gaitza izandako 3.948 pertsonari eman diete alta. Grafikoak, albiste barruan.

Pertsona bat zebrabidea gurutzatzen, Iruñean. ©Iñigo Uriz / Foku

Alokairu turistikoak, debekatuta Lapurdiko kostaldean

Berria

Munduan 70.000 lagun inguru hil dira COVID-19 eritasunaren eraginez, eta atzemandako kasuak ia 1,3 milioi dira; joan den ostegunean, milioi bat ziren. AEBak eta, bereziki, New York dira pandemiaren epizentro berria. AEBetan, 337.000 positibo baino gehiago baieztatu dira, eta 9.600 lagun hil.. 

Irrintzi konpartsako erraldoiak, Boiseko Basque Blocken, 2015eko Jaialdian ©Urtzi Urrutikoetxea

Diasporako euskal jairik handiena bertan behera utzi dute

Edu Lartzanguren

Boiseko Jaialdi festibala bost urtetik behin egiten dute, eta aurtengo uztailerako zegoen programatuta. Azkenean, 2021eko uztailaren 27tik abuztuaren 1era egitea erabaki dute, "ardurak eraginda".

EGA Euskararen Gaitasun Agiria lortzeko probak. ©Andoni Canellada / Foku

Jaurlaritzak udazkenera arte atzeratuko ditu hizkuntza maila egiaztatzeko probak

Jon O. Urain

Indarrik gabe utzi du maiatzaren 9rako aurreikusitako proba idatzia, eta urrian egingo du. Onartutako eskabideak kontuan hartuko dira bigarren deialdi horretarako.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna