OROIMEN HISTORIKOA

Mikel Castillo omentzeko ekitaldien "irakurketa interesatuak" gaitzetsi ditu Mikelen Memoria egitasmoak

Gogorarazi dute Maravillas gaztetxean egitekoa den omenaldia "urtero" antolatzen dela, eta parte hartzeko deia luzatu dute

Mikel Castilloren omenaldia iragartzeko afixa.
Mikel Castilloren omenaldia iragartzeko afixa. BERRIA

Ion Orzaiz -

2018ko irailak 12

Mikel Castillo etakide iruindarrari hilaren 18an eginen dioten omenaldia ahoz aho ibili da azken egunetan. Gisa horretako omenaldiak "onargaitzak" direla adierazi dute UPN, Geroa Bai, PSN eta Ezkerrako hainbat ordezkarik, eta Maravillas gaztetxearen kontrako argudio gisa erabili dute askok.

Atzo berean, 50 bat pertsonak manifestu bat igorri zuten hedabideetara, Maravillas gaztetxeko kideek "ETA zuritzen" dutela eta "memoria historikoa ETAren bortizkeriarekin nahasten" dutela salatzeko. 1936ko gerrako biktimen senide batzuek, oroimen historikoaren esparruko hainbat ekintzailek eta Geroa Bai, PSN nahiz Ezkerrako hainbat politikarik sinatu zuten agiria; besteak beste, Koldo Martinezek, Marisa de Simonek, Joseba Ezeolazak eta Inma Juriok.

Horri erantzunez, oharra argitaratu du Mikelen Memoria auzo egitasmoak, azken egunetako "irakurketa interesatuak" txarretsiz: "Oraindik ez dugu ulertzen zer asmorekin egiten diren irakurketa horiek, uste baitugu pertsona orok duela bere senide eta lagunen aldetik oroitua izateko eskubidea; areago, pertsona horrek, orain arte, ez badu jaso ez aitortzarik ez ordainik".

"Ez dugu onartuko polizia indarkeria, zigorgabe gelditzeaz gainera, gure oroimen kolektibotik ezabatu nahi izatea. Hori dela eta, gure bizilaguna gogoratzen segituko dugu, urtez urte", gehitu dute.

Ekitaldiak

Bi ekitaldi nagusi antolatu ditu Mikel Gogoan plataformak, Castilloren hilketaren XXVIII. urtemugaren karira. Alde batetik, Begoña Castillok, hildako iruindarraren arrebak, hitzaldia eskainiko du gaur 19:00etan, Maravillas gaztetxean. Omenaldi nagusia, berriz, heldu den astean izanen da: irailaren 18an.

Auzo egitasmoko kideek azpimarratu dute Castilloren omenaldia antolatzen duena Mikel Gogoan plataforma dela, eta "urtero bezala", Carmen kalean eginen dutela. Ekitaldian parte hartzeko deia luzatu diete Alde Zaharreko nahiz beste auzoetako herritarrei.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna