Kale eraso batean parte hartzea egotzita eduki dute preso Hodei Ijurko nafarra hamar urtez. Bengala eta guzti egin diote lehen harrera, kartzela atarian zain zituenek. Eta Galiziako doinuekin dantza ere egin dute han bildutakoek.
#BatGutxiago Eta Iturraman ostiralean eginen zaio harrera, arratsaldeko 19etan. Hemen atera denean egindako harreraren beste irudi batzuk #HodeiIjurkopic.twitter.com/NnZbMjr96w
— Ahotsa.info (@AhotsaInfo) 2018(e)ko irailaren 20(a)
2008ko martxoan atxilotu zuten Ijurko. Orduan, atxiloketa unea "bortitza" izan zela salatu zuen Askatasunak eta, besteak beste, buruan jaso zuen kolpe baten ondorioz bederatzi puntu eman zizkioten. Atxiloaldia amaituta, preso sartu zuten. Espainiako Auzitegi Nazionalak 16 urteko espetxe zigorra jarri zion epaiketan, eta Gorenak hamar urtera gutxitu zion espetxealdia. Zigorra osorik beteta atera da gaur.
