"Ez dut azterketa hori egingo". Berehala erantzun dio Marine Le Pen Batasun Nazionala alderdiko buruak epaitegiaren eskariari. Epaitegia eskuin muturreko alderdiko presidentea ikertzen ari da, Estatu Islamikoaren zenbait irudi gordin Twitterren zabaldu dituelako. Epaitegiaren eskaria ohikoa gisa horretako ikerketetan ohikoa dela ziurtatu du Le Penek, baina erabakiak oihartzun politiko handia izan du. Le Penek sareetan salatu du epaitegiaren eskaria. "Sinestezina da. Erregimen hau egiaz beldurra ematen hasia da".
C'est proprement HALLUCINANT. Ce régime commence VRAIMENT à faire peur. MLP pic.twitter.com/WCX6WBCgi4
— Marine Le Pen (@MLP_officiel) 20 de septiembre de 2018
Le Penek nabarmendu duenez, azterketa hori egitea derrigorrezkoa da soilik pedofiloen eta bortxatzaileen kasuan. "Epaileek nola behartuko nauten jakin zain nago".
Azterketaren bidez, epaileak argitu nahi du Le Penek zenbateko ardura izan zuen, 2015ean, Estatu Islamikoaren zenbait irudi Twitterren zabaldu zituenean. Besteren artean, James Foley kazetari estatubatuarrari burua nola moztu zioten erakusten duten irudiak zabaldu zituen. Gertakari horiengatik, Le Penek hiru urtera arteko kartzela zigorra jaso dezake eta 75.000 euro arteko isuna.
Epaiketaren erabakia hizpide izan du Jean-Luc Melenchon Frantzia Intsumisoa alderdiko buruak. Melenchon "erabaki politikoen psikiatrializazioaren" kontra agertu da. Haren esanetan, Le Pen bere erabaki politikoen "erantzule" dela ziurtatu du. "Neurri guztiak ez dira ez honak ezta onargarriak ere hari aurre egiteko. Eskuin muturra ez dugu horren antzeko neurriekin atzera eginaraziko".
Désaccord total avec la psychiatrisation de la décision politique. Madame Le Pen est politiquement responsable de ses actes politiques. Tous les moyens ne sont ni bons ni acceptables pour la combattre. Ce n'est pas avec des méthodes pareilles qu'on fera reculer l'extrême droite.
— Jean-Luc Mélenchon (@JLMelenchon) 20 de septiembre de 2018
Le Peni zuzendutako eskaria salatu du Mateo Salvini Italiako Barne ministroak ere. "Elkartasuna" adierazi dio Batasun Nazionaleko buruari eta "askatasuna maite duten frantziar guztiei".
Una procura ordina una #periziapsichiatrica per Marine Le Pen. Non ho parole!
— Matteo Salvini (@matteosalvinimi) 20 de septiembre de 2018
Solidarietà a lei e ai francesi che amano la libertà! @MLP_officiel#LePenpic.twitter.com/Oh0kWmY23h
