Noiz sortua: 2018-09-21 10:15:16

euskal presoak

Presoak "ahalik eta modu diskretuenean" gerturatuko ditu Madrilek

Kepa Arronategi presoa Zuerara gerturatu dute.

Zuerako espetxea (Zaragoza Espainia). Artxiboko irudia.
Zuerako espetxea (Zaragoza Espainia). Artxiboko irudia. Javier Cebollada/EFE

Jon O. Urain -

2018ko irailak 21

Espetxe politikaz mintzatu da Jesus Loza Espainiako Gobernuak Euskal Autonomia Erkidegoan duen ordezkariak. Esan du gerturatzeak "modu ahalik eta diskretuenean" egingo dituztela, aurretik ETAren biktimei jakinarazita. Uste du biktimen elkarteek "kontrol jarrera" dutela gobernuarekiko, baina "ulertzen" dutela "ETA desagertzeak planteatu duen egoera".

Gainera, azaldu du Madril espetxe politikan hartzen ari den neurriak Frantziako Gobernuak jarraitutako ereduaren antzekoak direla, eta nabarmendu du garrantzitsuena "gizarteratzea" dela gerturatzeak baino gehiago.

Bestalde, Kepa Arronategi presoa gaur heldu da Zuerako espetxera. Espainiako Espetxe Zuzendaritzak hilaren 13an jakinarazi zuen Arronategi eta Marta Igarriz euskal presoak Euskal Herritik gertuago dauden kartzeletara lekualdatzeko erabakia, eta Etxerat elkarteak gaur eman du Arronategiren lekualdaketaren berri.

Kepa Arronategi gernikarra, 1997. urtetik dago preso —ETAko kide izatea, hilketak egitea eta Espainiako erregea hiltzen saiatzea egotzi eta 158 urteko zigorra ezarri zioten—. Gaixo larri dago, eta hori izan liteke hura tokiz aldatzeko arrazoi nagusia, Espetxe Zuzendaritzaren oharrak halako argibiderik ematen ez bazuen ere. Almeriatik (Euskal Herritik 1.000 kilometrora dago) Zuerako espetxera (300 kilometrora) lekualdatu dute.

Euskal presoen eskubieen aldeko elkarteak, ordea, ez zuten nahikotzat jo gerturatzea. Etxerat-ek salatu zuen Zuerako espetxean "beti" egon izan direla euskal presoak —Zueran bederatzi daudela egun—, eta ez dagoela haiek eta beste euskal preso guztiak Zaballara ez hurbiltzeko "arrazoi bakar bat ere".

Sarek ere kritikatu zuen ez dela "onargarria": "Norbere bizilekutik 250 kilometroa dagoen espetxe bati buruz ari gara, eta joan eta etorri 500 kilometro egin behar direla esan nahi du horrek. Hori ez da urruntze politika amaitzea. Urrunketa amaitzea presoak Euskal Herriko espetxeetara lekualdatzea da", nabarmendu zuen Joseba Azkarraga bozeramaileak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Lehen arretako profesionalen protesta bat, iaz, Gasteizen. ©ENDIKA PORTILLO / FOKU

Murgak egoera hauskorraz ohartarazi du, 15 kutsatu gehiagoren berri emanda

Ane Eslava

Egoera «kontrolpean» dagoen arren, «zuhurtzia» eskatu du. Nafarroan ez da kasu berririk egon. Lehen arretako langileek protesta egin dute

Larrialdi zerbitzuek behin-behineko ospitale bat jarri dute Lleidan. ©Ramon Gabriel / Efe

Kataluniako Gobernuak konfinamendua ezarri die 200.000 herritarri

Berria

Lleidako eskualde batean koronabirusaren zortzi agerraldi detektatu dituzte. Eguerdian jarri dute indarrean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna