Albistea entzun

EAE-ko estatutu berria

Estatutu berria idazteko "gaitasunik ez" izatea egotzi dio Ortuzarrek Del Burgori

PPk aukeratutako aditua "sektarioa" eta "integrista" dela salatu du EAJko buruak, eta ohartarazi du haren hitzek argi uzten dutela zein den alderdiaren asmoa testu berrirako.

Andoni Ortuzar, artxiboko argazki batean. /
Andoni Ortuzar, artxiboko argazki batean. / Javier Zorrilla/EFE

Arantxa Elizegi Egilegor -

2018ko irailak 23 11:23

EBBko buruaren haserrea eragin dute Jaime Ignacio del Burgoren azken adierazpenek. Alderdi Poplarak estatutu berriaz eztabaidatzeko lantalderako aukeratutako adituak esan du ETAren ekintzez "baliatu" dela EAJ. Del Burgok Nafarroako egunkari bati emandako elkarrizketan egin ditu adierazpenok. 

Ortuzarrek antzeko tonua erabili du hari erantzuteko, eta leporatu dio estatutu berria idazteko gai ez izatea. "Onartezina da Jaime Ignacio del Burgo bezalako ibilbide integrista eta sektarioa duen pertsona batek ETArekin nahastea EAJ". 

Twitterreko bere kontuaren bidez zabaldutako mezuetan ohartarazi du Del Burgo ez dela baliagarri Parlamentuko erakundeetan aritzeko, eta adierazi du hark esandakoek argi uzten dutela zer asmo dituen PPk estatuturako: "Autonomiaren aurreko garaietara itzuli nahi dute, han Del Burgo eta haren lagunak nahierara ibili ahal izateko". 

PPko EAErako idazkari nagusiak erantzun dio Ortuzarri. Amaya Fernandezek galdetu dio EH bilduk ba ote duen jeltzaleen onespenik lantaldean aritzeko. PPren "egonkortasunaren" eta haren eta gaur egun "kide" dituenen "muturreko jarreren artean" aukeratzeko eskatu dio Fernandezek buruzagi jeltzaleari, Kataluniako subiranistei eta EH BIilduri erreferentzia eginez. 

Dena den, ez da lehen aldia Del Burgok antzeko adierazpenak egiten dituena. Irailaren hasieran esan zuen EH Bilduk eta EAJk estatutu berrirako adostutako oinarriak "ETAren eraberritze ideologikoa" zirela. 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©ISABELLE MIQUELESTORENA

Bizi osoa lurrarekin eta herriarekin engaiatuta

Edurne Begiristain

ELB sindikatuaren sortzaile, Euskal Herriko Laborantza Ganberaren sustatzaile eta azken urteetan bake prozesuaren eragile nagusietako bat izanikoa atzo hil zen, eritasun larri baten ondorioz. Berria jakin eta berahala zabaldu ziren atsekabe mezuak.

<b>Batasunaren aurkako operazioa.</b> Herritar ugari Batasunaren Bilboko egoitza babesten, 2002ko abuztuaren 27an. ©MARISOL RAMIREZ / FOKU

Areatzaren bi aurpegiak

Jon O. Urain

Bi eserialdi, aski diferenteak. 2002ko abuztuan, Batasunaren egoitza babesteko eserialdia egin zuten herritarrek Bilboko Areatzan; legez kanpo jarduteko ziklo bat abiatzekoa zen. Bederatzi urte geroago, ia gune bereko beste eserialdi batek irudikatzen du Bilduren legeztatzea. Tartean, Alderdien Legea eta ondorio ugari.

Elkarlanak indarra
AuB legez kanporatu ostean, herritarrak botopaperak erakusten. ©JAGOBA MANTEROLA / FOKU

Eskuak, lanabesak, irudimena

Maddi Ane Txoperena Iribarren

Legez kanpo egondako urteetan, martxan segitu zuen ezker abertzaleak: zerrendak, kanpainak... Garai hartan egituretan arituriko birekin elkartu da BERRIA, guzia nola antolatzen zuten jakiteko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.