Noiz sortua: 2018-10-10 19:27:44

Gizartea

Darponek fiskalaren esku utzi du oposizioetan deliturik egon ote den argitzea

Osasun sailburuak Eusko Legebiltzarrean aitortu du ez dagoela "harro" lan eskaintza publikoarekin. Oposizioko taldeek "gardentasun falta" leporatu diote, eta "zigorgabetasun pertzepziorik" gera ez dadila eskatu.

Jon Darpon Osasun sailburua gaur goizeko agerraldian.
Jon Darpon Osasun sailburua gaur goizeko agerraldian. Endika Portillo / Foku

Jon Rejado -

2018ko urriak 10

Jon Darpon Osasun sailburua Eusko Legebiltzarrean izan da, Osakidetzako lan eskaintza publikoa dela-eta zer pauso eman diren azaltzeko. Deialdia egin zutenetik orain arteko kronologia eta hartutako erabakiak xehatu ondoren, sailburuak argudiatu du “berme handienak” izan arren “irregulartasunak” antzeman dituztela. Are, aitortu du ez dagoela “harro” oposizioekin. Edonola ere, gaineratu du fikalaren ardura dela zehaztea ea irregulartasunen atzean deliturik dagoen.

Ekainetik orain arte egindako ikerketak emaitza hauek ekarri ditu, Darponek ezagutarazitakoaren arabera: batetik, epaimahaiek berriz antolatuko dituzte bost azterketa hiru kategoriatan —sailburuak iragarri du urtea amaitu baino lehen “egiten saiatuko" direla—; bigarrenik, traumatologia kategoriako hautaketa prozesuaren jarduerak eten ditu; azkenik, Osakidetzak zortzi informazio txostenen informazioa eman dio fiskalari, deliturik ote dagoen iker dezan.

Eusko Legebiltzarreko oposizioko taldeak oso kritikoak izan dira Osasun Sailak hartu dituen neurriekin. Osakidetzak egindako barne ikerketaren aktetan “iruzurren zantzuak” daudela nabarmendu dute EH Bilduk, Elkarrekin Podemosek eta PPk. Ordea, gaineratu dute zantzuak zeuden hainbat kasutan ikerketak ondoriorik gabe itxi dituztela. Gertaera horiei “garrantzia kentzeko asmoa” leporatu diote bai Osasun Saileko eta bai Osakidetzako arduradunei.

Jon Darpon Osasun sailburuak jakinarazi du lanean ari direla oposizioen eredua aldatzeko. Eredu berria adostearen alde egin du, eta lan horretan elkarlanerako asmoa agertu dio EH Bilduri. Hain zuzen ere, EH Bilduk legez besteko proposamen bat aurkeztu du Osakidetzako lan-kontratazio eredua aldatzeko.

Albiste gehiago

Apirilaren 2an eguneratua, 13:00etan. ©BERRIA

Koronabirusaren azken datuak

Berria

Euskal Herrian 10.022 gaixok eman dute positibo koronabirusaren proba eginda. 555 hil dira. COVID-19 gaitza izandako 2.459 pertsonari eman diete alta. Grafikoak, albiste barruan.

Gizon bat, Zagreben. ©ANTONIO BAT / EFE

Sakelakoen kokapena jasoko du Madrilek

Berria

Telefonica, Orange eta Vodafone konpainiek euren sareak erabiltzen dituzten sakelakoak non dauden kontrolatuko dute, eta informazioa Madrilgo Gobernuari emango diote. Koronabirusaren aurkako borrokan, populazioaren inguruko mugimenduei buruzko datuak biltzea da asmoa, Madrilen arabera, eta, gaineratu duenez, ikerketak ez ditu “gizabanakoen mugimenduak atzemango”, baizik datu “anonimoak eta multzoka”.

Murga, Urkullu eta Beltran de Heredia, diputazio iraunkorrean telematikoki azalpenak ematen. ©/ Irekia

Oposizioak «gardentasun falta» egotzi dio Urkulluri

Irati Urdalleta Lete

Iñigo Urkullu Jaurlaritzako lehendakariak azalpenak eman ditu Eusko Legebiltzarreko diputazio iraunkorreko bilkuran, EH Bilduk hala eskatuta. Argudiatu du «osasun arduradunen ezagutzan eta unean-unean jasotako informazioan oinarrituta» jokatu dutela.

Donostiako ospitaleko langile batzuk, mobilizazio batean ©Jon Urbe (Foku)

Osasuna bermatzen ez duten enpresak, fiskaltzara

Jokin Sagarzazu

LABek langileen kexak igorriko dizkio, zigor instrukzioko prozesuak ireki ditzala eskatzeko. Ohartarazi du oinarrizko zerbitzu batzuk «kolapsoan» daudela. ELAk, berriz, materiala bermatzeko eskatu dio EAEko Auzitegi Nagusiari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna