Albistea entzun

Euskal presoak

Presoen gradu aldaketarako oztopoak "onartezinak" direla salatu du Etxerat-ek

"Legea bete dezatela eskatzen dugu bakarrik. Hainbeste eskatzea al da?", adierazi du Miren Santisteban Zigor Blanco presoaren amak.

Etxerat Tamaina handiagoan ikusi

Berria -

2018ko urriak 11

Foro Sozial Iraunkorrak EPPK-ko kideek lehen gradutik bigarrengora pasatzeko dituzten zailtasunak aztertu zituen, atzo, Gasteizen, eta datu horien harira, egoeraren gaineko balorazioa egin du Etxerat-ek. Presoen senide eta lagunenen elkarteak eskertu egin du Foro Sozialak egindako azterketa. "Zoritxarrez", ohartarazi dute, datuek agerian uzten dute euskal presoei ezartzen zaien "salbuespen egoera" oraindik ere indarrean dela eta Espainiaren espetxe politika duela "oinarri".

Uztailetik gaur arte, EPPK-ko kideek lehen gradutik bigarrengora pasatzeko eskaerek erantzun gisa jaso dituzten 46 auto judizial bildu ditu Foro Sozial Iraunkorrak. Espainiako Auzitegi Nazionaleko Espetxe Zaintzako epailearen 44 erantzun ezezkoak izan dira, eta bi baino ez dira izan baiezkoak. Etxerat-ek adierazi duenez, irailaren 27an, Espetxe Zaintzako Epaitegiaren erantzunaren zain zeuden beste 70 preso. "Euskal gizarteak garai berria bizi du, eta gizarteak gatazkaren ondorioen bidezko konponbidea aho batez aldarrikatu duen arren, euskal preso politikoen % 95 inguru oraindik ere lehen graduan daudela eta haietatik 27 bakartze moduluetan modu iraunkorrean dauzkatela gogorarazi nahi dugu".

Etxerat-ek nabarmendu du euskal presoak legedian aurreikusitako bideei jarraitzeko prest agertu direla beraien egoera hobetu ahal izateko, baina Espainiako Estatuak lehen gradutik bigarrenera igarotzeko oztopoak jartzen dizkiela, legetik harago. Horrez gain, eskari guztiei eredu berean oinarritutako erantzuna ematen zaiela salatu du.

Euskal gizarteak, bere erakundeek eta eragile politiko eta sozialek preso guztiak Euskal Herriko espetxeetara hurbiltzeko aldarrikatu dutela gogorarazi du Etxerat-ek. "Adinekoak diren eta gaixorik dauden presoen askatasuna eskatu dute, zigorrak batzeko Europako irizpidea bete behar dela adierazi dute eta lehen graduak ezartzen duen oztopoa gainditu egin behar dela uste dute. Salbuespen espetxe politika honen pairatzaile noiz arte izango gara?"

Miren Santisteban Zigor Blancoren presoaren amak ere hartu du hitza Etxerat-en agerraldian. Blancok lehen gradutik bigarrenera aldatzeko eskaria aurkeztu du, baina baztertu egin du Espetxe Zaintzako Epaitegiak. "Legea bete dezateka eskatzen dugu bakarrik. Hainbeste eskatzea al da?", galdetu du Santistebanek.

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Milaka lagun elkartu ziren atzo Donostian egindako manifestazioan. ©JON URBE / FOKU

Milaka urrats «etxera bidean»

Maddi Ane Txoperena Iribarren

Euskal presoak Euskal Herrira ekartzea, «bizi osorako» zigorrak etetea eta gradu progresioei bide ematea galdegin dute Donostian. Urtarrilaren 8an berriro kalera ateratzeko deia egin du Sarek
Arnaldo Otegiri elkarrizketa EH Bilduk

Otegi: «Lehentasuna da herri sena berreskuratzea»

Berria

Egungo testuingurua aztertu du EH Bilduko idazkari nagusiak, eta hizpide izan ditu koalizio subiranistak epe motzera, ertainera eta luzera dituen erronkak.

Grande-Marlaska, artxiboko irudi batean. ©Javier Lizon / EFE

Grande-Marlaska: «Ezker abertzaleak ongietorriak saihestu behar ditu»

Paulo Ostolaza

El País egunkariak Espainiako Barne Ministroari egindako elkarrizketa argitaratu du. Esan du euskal presoen sakabanaketak jada ez duela zentzurik, eta EH Bilduk eta Sortuk egindako adierazpena ez dela nahikoa.

Maria Txibite, PSNren buru gisa berretsi dutenean, Iruñean. ©IÑIGO URIZ / FOKU

Maria Txibite PSNko idazkari nagusi izendatu dute berriro ere

Gotzon Hermosilla

Botoen %97,22 eskuratu ditu alderdiaren XII. batzarrean. Txibiteren ustez, PSN beharrezkoa da «Nafarroak aurrera egiten jarrai dezan»

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.