'Cabacas auzia'

Epai medikuen arabera, tiroa "horizontalean" eginda zegoen

Iñigo Cabacasen heriotzaren inguruko epaiketan, adituen txanda iritsi da. Epai medikuek eta Espainiako Poliziako adituek deklaratu dute.

Epaiketaren irudi bat, azaroaren 6koa. /
Epaiketaren irudi bat, azaroaren 6koa. / Luis Jauregialtzo/Foku

Gotzon Hermosilla -

2018ko azaroak 6

Txostena egin zuten  hiru epai medikuek azaldu dute Iñigo Cabacas hil zela "objektu biribil eta trinkoak" buruan jo zuelako, belarriaren atzean hain zuzen, eta kolpe horrek kaskezurra apurtu ziola. Zauriaren ezaugarriak kontuan hartuta, kolpea ""bateragarria" da hipotesi nagusiarekin, hau da, gomazko pilota batek jo ziola buruan. Baztertu egin dituzte hasieran plazaratu ziren beste hipotesi batzuk: harri batek edo botila batek buruan jo zuela, edo makila batekin jo zutela, hipotesi horiek ez direlako bateragarriak zauriaren ezaugarriekin.

Epai medikuek esan dutenez, kolpea "argia" zen, eta horrek esan nahi du tiroa "horizontalean" eginda zegoela eta Cabacasen buruarekin "perpendikularrean" jo zuela. Akusazioaren galderei erantzunez, esan dute pilotak errebotatu ostean saiheska jo izan balu Cabacasen buruan, zauria beste mota batekoa izango zatekeela. Kolpea "hilgarria" zen, adituen arabera.

Basurtuko ospitaleko aditu batek eta Espainiako Polizia Zientifikoko kideek ere deklaratu dute, eta, froga gisa, grabazio eta bideo batzuk ere jarri dituzte. Grabazio horietako bat izan da ertzainek gau hartan irratiaren bidez izan zituzten elkarrizketena. Orain arte, grabazio horretako zati ugari entzungai izan dira epaiketan, baina gaur lehenego aldiz osorik eta etenik gabe jarri dute, gertaeren sekuentzia nolakoa izan zen argitu guran. Cabacasen gurasoak oso hunkituta egon dira grabazioa entzungai egon den bitartean, eta amaitu aurretik joan behar izan dute aretotik.

Bihar txosten eta adituen deklarazio gehiago egongo dira, eta aurreikusita dago aldeek ondorioak aurkeztuko dituztela, hau da, orain arteko behin-behineko eskaerak behin betikotzat joko dituzte. Ikusteko dago zigor eskaera horietan aldaketarik egingo ote duten eta, batez ere, zein izango den fiskaltzaren jarrera. Hasieran akusaziorik ez egitea erabaki zuen, baina epaiketan ikusitakoaren eta entzudakoaren ostean litekeena da hori aldatzea.

Mobilizazioak

Iñigo Gogoan plataformakoek elkarretaratzea egingo dute bihar epaitegiaren aurrean 9;00etatik aurrera. Aurreikusita dago epaiketara etorritako begiraleetako batek adierazpenak egingo dituela. John Finnie izango da: Eskoziako polizia ohia da, Edinburgon Alderdi Berdeko parlamentaria eta Segurtasun Publiko eta Demokratikoaren aldeko ekintzailea -gaur ere egon da epaiketan.

Beste aldetik, ostegunean manifestazioa egingo dute Bilbon, 19:30ean, heriotza gertatu zen kalezulotik abiatuta, "justizia" eskatzeko.

 

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Nekane Murga, atzo, Eusko Jaurlaritzaren Bilboko egoitzan. ©Miguel Toña / Efe

Eusko Jaurlaritzak osasun larrialdia ezartzeko asmoa du

Andoni Imaz

Urkullu jarduneko lehendakaria litzateke batzorde bereziaren burua berriro ere, eta aukera izango luke jendea bakartzeko eta joan-etorriak mugatzeko. Murgak eta Tapiak agerraldi bat egingo dute bihar, hartuko dituzten neurriak esplikatzeko.

Salvador Illa Espainiako Osasun ministroa gaurko agerraldian. ©Chema Moya/EFE

Diskotekak eta gaueko tabernak ixteko agindu du Madrilek

Berria

Neurriak zorroztuko dituzte Hego Euskal Herrian, egoera epidemiologikoak okerrera egin duela eta. Gainerako taberna edo jatetxeek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

Jendea paseoan Donostiako alde zaharreko kaleetan, atzo. ©Juan Carlos Ruiz/FOKU

618 kasu atzeman dituzte Hego Euskal Herrian

Berria

Bizkaian behera egin dute kasuek; Araban, Gipuzkoan eta Nafarroan, aldiz, igo egin dira.

Osasun langileak PCR probak egiten Donostian, aurreko astean. ©Gorka Rubio/FOKU

Azpeitiko Erdikalean ibili zirenei proba egiteko eskatu die Jaurlaritzak

Berria

Abuztuaren 7tik 9ra bitartean kale horretan ibilitakoek egin beharko dute testa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna