Albistea entzun

Jaka Horiak

Macron sindikatuekin eta patronalarekin bildu da, Jaka Horien protestak direla eta

Goizean, Jaka Horien mobilizazioei erantzuteko neurriak aurkeztu dizkie Frantziako presidenteak sindikatuei eta patronalari. Arratsaldean, adierazpen publikoa egingo du.

Jaka Horien protesta, joan den larunbatean, Parisen.
Jaka Horien protesta, joan den larunbatean, Parisen. IAN LANGSDON

Berria -

2018ko abenduak 10

Jaka Horien protestek zeresan handia eman badute ere, aurreko aste osoan adierazpenik ez egitea erabaki du Emmanuel Macron Frantziako presidenteak, eta Edouard Philippe lehen ministroaren esku utzi du protestei jendaurrean erantzuteko ardura. Gaur, ordea, presidenteak adierazpen bat egingo du, Eliseoak baieztatu duenez. 20:00etan egingo du Macronek hitzaldia.

Aurretik, presidenteak bilerak egin ditu sindikatuekin eta patronalarekin. 10:00etan . Macronek Jaka Horien krisiari erantzuteko neurriak aukeztu dizkie. Bilera horretan izan dira Edouard Philippe lehen ministroa, Brune Le Maire Ekonomia eta Finantza ministroa, Muriel Penicaud Lan ministroa, Françoise de Rugy Ekologia Trantsizio ministroa eta Elisabeth Borne Garraio ministroa.

Hainbat hedabidek Macronek arratsaldean iragarriko dituen neurrien artean aipatu dituzte errentaren gaineko zergaren apaltzea, etxebizitza bat okupatzeagatik ordaindu beharreko tasaren desagertzea, soldata txikienak dituzten langileentzako sariak eta ordu estrentzako karga salbuespena.

Jaka Horien protestek ez dute etenik izan asteburuan. Laugarren asteburuz jarraian, mobilizazioak izan ziren Parisen eta Frantziako hainbat hirigunetan. Istiluak gertatu ziren, eta indar politikoek esku hartzeko eskatu diote Macroni, auzia bideratzeko.

Jean-Yves Le Drian Frantziako Atzerri ministroak kezka agertu du Jaka Horien protestengatik, eta Macronen esku hartzeak egoera lasaitzeko balio izatea espero du. Frantziarrentzako "gizarte hitzarmen berri bat" lortzearen alde agertu da. Auziaren muina herritarren erosahalmena dela adierazi du ministroak. Aurreratu duenez, Macronen hitzek frogatuko dute presidenteak Jaka Horien "mugimendua ulertu duela".

Heldu den urtarrilean indarrean sartzekoak zituen zerga igoerak sei hilabetez etetea erabaki zuen Macronek joan den asteartean, baina Jaka Horiek protestari eutsi diote.

 

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Raphael Warnock hautagai demokrata, iragan ostiralean egindako mitin batean, Savannah hirian (AEB). Botoen %49,48 bildu zituen lehen itzulian. ©JIM LO SCALZO / EFE

Demokratek arnasa gehiago nahi dute

Urtzi Urrutikoetxea

Senaturako hauteskundeen bigarren itzulia egingo dute gaur AEBetako Georgia estatuan. Demokratek irabaziz gero, bi aulkiren aldea izango lukete, eta maniobratzeko tarte handiagoa

Hainbat sudandar, herrialdeko armadaren aurkako protestan, ekainaren 3an, Khartum hiriburuan. ©ELA YOKES / EFE

Sudango krisi politikoa gainditzeko akordioa sinatu dute junta militarrak eta oposizioak

Mikel O. Iribar

Hitzarmenaren helburuak dira «gobernu zibila» osatzea eta bi urteko epean bozak egitea. Parlamentuko eserlekuen %40 emakumeek beteko dituzte. Estatuko hainbat eragilek itunaren aurkako protestara deitu dute.

Emakume bat burua estalita, atzo, Teherango kaleetan. ©STRINGER / EFE

Mobilizazioei eusteko eskatu dute Iranen, Moralaren Polizia desegin dutela zabaldu ostean

Edu Lartzanguren - Maddi Iztueta Olano

Datozen hiru egunetan manifestazioak eta grebak egitera deitu du oposizioak. Gobernuak, ordea, ukatu egin du Polizia taldea sakabanatu izana.

Macron eta Putin prentsaren aurrean, joan den otsailaren 7an Moskun egindako bileraren ondoren. ©EFE

Macronek eskatu du Errusiaren segurtasun bermeak aintzat hartzeko

Igor Susaeta

Frantziako presidenteak elkarrizketa batean adierazi duenez, Putinek gerraren amaiera negoziatzea onartzen baldin badu, aintzat hartu behar da NATO «bere ateetaraino heltzeko duen beldurra»

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.