Albistea entzun

Katalunia

Abenduaren 18an egingo da Kataluniako buruzagi independentisten kontrako epaiketa aurreko saioa

Lehen saioan Espainiako Auzitegi Gorenak aztertuko du epaiketa bere gain hartzea dagokion ala ez.

Lledonersko kartzelan preso dauden buruzagi katalan independentistak. Oriol Junqueras, Jordi Turull, Joaquim Forn, Josep Rull, Raul Romeva, Jordi Sanchez eta Jordi Cuixart.
Lledonersko kartzelan preso dauden buruzagi katalan independentistak. Oriol Junqueras, Jordi Turull, Joaquim Forn, Josep Rull, Raul Romeva, Jordi Sanchez eta Jordi Cuixart.

Berria -

2018ko abenduak 11 07:19

Kataluniako prozesu subiranistaren kontrako epaiketarako azken urratsa egingo du Espainiako Auzitegi Gorenak hilaren 18an. Epaiketa aurreko auziak argitzeko saioa egingo du egun horretan. Auzitegiak aztertuko du auzipetutako buruzagi independentistak epaitzea berari dagokion ala ez.

Auzipetuak ez dira auzitegian izango hasierako saioan. Bai, ordea, akusazio guzitak —Fiskaltza, Estatuko Abokatutza eta Vox— eta defentsak. Azken horiek eskatu dute epaiketa aurreko saioa egitea. Izan ere, defentsen iritziz, ez dagokio Auzitegi Gorenari buruzagi independentistak epaitzea, Kataluniako Auzitegi Nagusiari baizik. Defentsaren eskariari buruz erabakitzen duenean, epaiketari hasiera emateko prest utziko du auzia.

Auzitegi Gorenak matxinada delitua leporatuta epaituko ditu Oriol Junqueras, Carme Forcadell, Jordi Turull, Raul Romeva, Josep Rull, Dolors Bassa, Joaquim Forn, Jordi Sanchez eta Jordi Cuixart. Guztiak behin-behinean preso daude Kataluniako hiru espetxetan. Guztira, 13 politikari kataluniar auzipetu ditu Auzitegi Gorenak delitu horrengatik; aurretik aipatutakoez gain, baita erbestean diren Carles Puigdemont, Toni Comin, Clara Ponsati eta Marta Rovira ere. Horrez gain, Gorenak desobedientzia delitua leporatzen die este dozena bat buruzagi independentistari.

Espainiako Justiziaren jarrera salatze aldera, Sanchezek eta Turullek gose greba hasi zuten abenduaren 1ean, Lledoners espetxean (Sant Joan de Vilatorrada, Herrialde Katalanak). Haiei batu zitzaizkien Forn eta Rull ere, abenduaren 3an.

Mossos d'Esquadra, ikerketapean

Kataluniako Fiskaltzak, berriz, ikerketa hasi du Mossos d'Esquadra polizia autonomikoaren aurka, CDR Errepublikaren defentsarako batzordeek AP-7 errepidean egindako ekintzak eragotzi ez zituztelakoan. Fiskaltzak ohar batean adierazi duenez, hainbat herritarrek ordainlekuetako hesiak altxatu zituzten abenduaren 8an eta 9an, L'Ampolla parean (Girona, Herrialde Katalanak), autoei ordaindu gabe pasatzen utziz. Fiskaltzaren arabera, mossoek ez zuten ezer egin elkarretaratuta zeudenei atzera eginarazteko, ezta ordena juridiko berrezartzeko ere. Horregatik, txosten bat Miquel Esquius mossoen buruari eskatu dio txosten bat egiteko, argipenak eman ditzan.

 

 

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Fernando Grande-Marlaska Espainiako Barne ministroa, gaurko agerraldian, Espainiako Kongresuan ©J.C. Hidalgo / EFE

Grande-Marlaskak berriz esan du Espainian ez zela inor hil Melillako hesia igarotzeko ahaleginean

Ander Perez Zala

Espainiako Barne ministroak Guardia Zibila defendatu du, argudiatuta segurtasun indarren erantzuna «proportzionala» izan zela. Ikerketa batzuen arabera, gutxienez lagun bat hil zen Espainian sartzean.

 ©JAGOBA MANTEROLA / FOKU

«Gerra apartekoa da antolaketa sozial bat ezartzeko»

Igor Susaeta

Gerra erregimenaren eskema gobernatzeko eredu gisa aplikatzeak eragiten dituen egoerez eta ondorioez ohartarazi du Sanchez Cedillok 'Esta gerra no termina en Ucrania' liburuan.
NATOk berretsi du «behar beste denboraz» lagunduko diola Ukrainari

NATOk berretsi du «behar beste denboraz» lagunduko diola Ukrainari

Mikel O. Iribar - Igor Susaeta

Aliantzaren helburuetako bat da Putinek «irabazten ez duela bermatzea». G7ko herrialdeek adostu dute Ukrainako gerra krimenen ikerketak koordinatzeko sare bat egitea
Jiang Zemin, 2007ko argazki batean. / ©MICHAEL REYNOLDS, EFE

Jiang Zemin hil da, 1993tik 2003ra Txinako presidente izandakoa

Jon Ordoñez Garmendia - Maddi Iztueta Olano

Tiananmen plazako protesten ostean hartu zuen kargua, eta Alderdi Komunistan merkatu ekonomia sozialista kontzeptua txertatu zuen.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.