Zinema

Ikuspuntu jaialdiak Jonathan Schwartz omenduko du 2019an

Heldu den urteko martxoaren 11tik 16ra egingo dute jaialdia, 13. aldiz.

Teresa Morales de Álava, Garbiñe Ortega eta Ana Herrera, jaialdiaren irudiekin.
Teresa Morales de Álava, Garbiñe Ortega eta Ana Herrera, jaialdiaren irudiekin. Nafarroako Gobernua Tamaina handiagoan ikusi

Ane Eslava -

2018ko abenduak 14

Ikuspuntu Nafarroako Zinema Dokumentalaren Nazioarteko jaialdia datorren urteko martxoaren 11tik 16ra izango dela iragarri dute. Beste behin, Iruñea nazioarteko ikus-entzunezko komunitatearen epizentro bihurtuko dute sei egunez.

Ikuspuntu jaialdiak Jonathan Schwartz zinemagileari omenaldi egingo dio, eta, horretarako, atzera begirako erakusketa bat eta liburu bat prestatuko du. Garbiñe Ortega jaialdiko zuzendari artistikoak editatuko du artista estatubatuarraren inguruko lehenbiziko liburua izango dena, eta hainbat idazlek, akademikok eta zinemagilek parte hartuko dute proiektuan; besteak beste, Erika Balsomek, Max Goldbergek, Michael Sicinskik, Rebekah Rutkoffek eta Deborah Stratmanek. Schwartzek zinema esperimentaleko hogei film labur baino gehiago ondu zituen. Iragan urrian zendu zen, 45 urterekin.

Jaialdiko programazioa zazpi sail nagusitan banatuko dute. Sail Ofizialean lehiatuko dira jaialdirako aurkeztu diren 1.600 lanen artean hautatu dituztenak; Atzera begirako sailean ez-fikziozko zinemagile nagusiak aztertuko dituzte; Dokbizia atalean, hainbat diziplinatako artistak partekatuko dute errealarekin erlazionatzeko duten modua; Ikuspuntu Labs jakintzaren hartu-emanerako eta sormen kolektiborako espazio bat izango da; Foku Garaikidean nazioarteko zinegile garrantzitsuenen saio monografikoak eskainiko dituzte, eta Saio Berezietan askotariko edukiak eskainiko dituzte. Horrez gain, heldu den urtean Programa Hezigarria zabaldu egingo dute, haur eta gazteei tailer, ikastaro eta proiekzio gehiago eskaintzeko.

Lau irudi, jaialdiaren ikuspuntua islatzeko

Ikuspuntu jaialdiaren irudia ere aurkeztu dute. Aurten ez da kartel bakarra egongo: lau egongo dira. Dani Sanchis artistak sortu ditu, eta lau irudien artean islatu nahi izan du jaialdiak zinemaren inguruan zabaltzen duen ikuspuntua: "diziplina anitzekoa eta integratzailea".

Bestalde, jaialdiak programa berezi bat eskainiko duela iragarri du, Londresko Tate Modern museoarekin elkarlanean: Museum of Clouds ziklo ibiltariaren lehenbiziko topaketa. Proiektu horren bitartez, azken hamarkadan zinema aldatu duten zinemagileetako batzuk bilduko dituzte, beren filosofia eta metodologia partekatzeko. Azkenik, aurtengo bisita garrantzitsuena Rick Prelinger zuzendari estatubatuarrarena izango da. Prelingerrek dokumental parte-hartzaileen inguruko tailer bat eskainiko du, bai eta artxiboen erabileraren inguruko eskola bat ere.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Jendea terrazetan Bilbon, astelehenean. ©Aritz Loiola/FOKU

651 kasu atzeman dituzte Hego Euskal Herrian

Berria

Bizkaian kasu gehien atzeman diren eguna izan da: 402. Osasun Saila eta Bizkaiko Foru Aldundia arratsaldean bilduko dira egoera aztertzeko.

 ©JON URBE / FOKU

«02:00etan, festak ezin du segitu eremu pribatuetan»

Aitor Biain

Herritarren parte hartze handiagoa eskatu dute ostalariek, ardura guztia beren bizkar izan ez dadin. Ataka estuan direla ohartarazi dute, eta babes ekonomikoa galdegin diote administrazioari, helegitea onartu edo ez.

Donibane Lohizuneko plaza, konfinamendu denboran ©Bob Edme

Donibane Lohizuneko ostatu bat hetsi dute

Ekaitz Etxamendi

Pirinio Atlantikoetako departamenduko prefeturak erabaki du Donibane Lohizuneko (Lapurdi) Le Miam ostatuaren hestea bost egunez, zigor gisa. Neurria beterik, gaur ireki dute berriro.

Osasun langileak PCR probak egitn Donostian, iragan astean. ©Gorka Rubio/FOKU

Getxoko Bikain tabernan eta Gasteizko Sagartoki eta Oh Malbec jatetxeetan izan zirenei proba egiteko eskatu die Jaurlaritzak

Berria

Toki horietan izan zirenek beren osasun etxera edota osasun aholkularitzara deitu beharko dute ordua hartzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna