Albistea entzun

Jaka Horiak

Gizonezko bat hil da Perpinyan, Jaka Horien protesta batzuetan, trafiko istripuz

Jak Horien protestetan, hamar dira trafiko istripuz hil direnak. Mobilizazioak izan dira gaur ere, seigarren astebuz jarraian. Parisen ustekabean hartu dute Polizia, eta erdigunean mobilizatu dira.

Jaka Horien mobilizazioa, gaur, Parisko erdigunean.
Jaka Horien mobilizazioa, gaur, Parisko erdigunean. ETIENNE LAURENT/EFE

Berria -

2018ko abenduak 22 17:35

Perpinyako (Herrialde Katalanak) hegoaldeko ordainlekuan gertatu zen istripua, atzo. 36 urteko gizonezko batek bere autoarekin jo zuen Jaka Horiak protesta egiten ari ziren inguruan geldituta zegoen kamioi gurutzatu bat. Talkaren ondorioz, hil egin da gizonezkoa.

Frantziako fiskaltzak ikerketa abiatu du gertatutakoa argitzeko.

Jaka Horien protestak hasi zirenetik —joan den azaroaren 17an hasi ziren mobilizatzen— hamar dira protesten inguruan gertatutako istripuetan hil direnak.

Mobilizazioak Paris erdigunean

Seigarren asteburuz jarraian, Frantziako hainbat hirigune eta errepidetan mobilizatu dira gaur ere Jaka Horiak. Parisen, ustekabean harrapatu dute Polizia, eta erdigunera sartzea lortu dute, Frantziako presidentearen egoitza den Eliseo jauregitik gertu.

Manifestariek Versalleserako martxa zuten iragarria —Paris mendebaldean—, baina Montmartre auzoan hasi dira biltzen, Poliziaren harridurarako. Handik, Eliseo aldera egin dute martxa azkenean, harik eta Poliziak Madeleine plazan bidea itxi dien arte.

Lapurdin ere mobilizazioak izan dira. A-63 autobidearen Biriatuko ordainlekuan, bidea itxi diete kamioiei, eta 15 kilometroko kamioi ilarak sortu dira, Baionako noranzkoan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Emakume bat bozkatzen, gaur, Zaporizhiako ospitale batean ©EFE

%97k Errusiako Federazioarekin bat egitearen alde bozkatu dute, lehen emaitzen arabera

Igor Susaeta

Donetsk, Luhansk, Zaporizhia eta Kherson Ukrainan Errusiak partzialki okupatutako eremuetan egin dituzte galdeketak. Ukrainak jakinarazi du traizioa egotziko dietela bozketetan «moduren batean» parte hartu duten ukrainarrei.

Pere Aragones Kataluniako presidentea, gaur, politika orokorreko eztabaidan ©Quique Garcia, EFE

Erreferendum bat noiz eta nola egin zehazteko argitasun akordio bat proposatu du Aragonesek

Gorka Berasategi Otamendi

Akordioa lortzeko eztabaida hastera deitu ditu alderdiak eta gizartea bera, eta ezinbestekotzat jo du eremu sozial guztien ekarpenak jasotzea. Nabarmendu du Katalunian badela autodeterminazioaren aldeko gehiengo zabal bat.

Pertsona batzuk hauteskundeetako emaitzak ikusten, atzo, FdI Italiako Anaiak alderdiaren egoitzan. ©ETTORE FERRARI / EFE

Europako eskuin muturrak beso zabalik hartu du neofaxisten garaipena

Julen Otaegi Leonet

Le Penek ultrak zoriondu ditu, «EB antidemokratiko eta harroputz baten mehatxuei aurre egiteagatik». Orbanentzat, «merezitako garaipena» da». Frantziak «erne» egotera deitu du
Kolonbiako eta Venezuelako herritarrak muga zeharkatzen, Francisco de Paula Santander zubitik, atzo. ©RAYNER PEÑA R. / EFE

Venezuelaren eta Kolonbiaren arteko muga ireki dute, zazpi urteren ondoren

Maddi Iztueta Olano

Lurreko eta aireko merkataritza trukeetarako erabili ahal izango da. Bi herrialdeak harreman diplomatikoak berreskuratzeko bidean daude

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...