Albistea entzun

Filipinak

Gutxienez 68 pertsona hil ditu Filipinetan ekaitz tropikal batek

Luizi eta uholde handiak sortu ditu Usman ekaitz tropikalak. Hildako gehiago ere egon daitezkeela ohartarazi dute agintariek.

Kaleak urez gainezka, Filipinetako Bulan herrian.
Kaleak urez gainezka, Filipinetako Bulan herrian. ROMEDOR GLORIANE

Berria -

2018ko abenduak 31

Uholdeak eta luizi handiak eragin ditu Usman ekaitz tropikalak Filipinetan. Rappler atariak jasotako informazioaren arabera, 68 lagun hil dira gutxienez azken bi egunetan, itota eta lurrak harrapatuta gehienak. "Beldur naiz hildako kopuruak gora egiten jarraituko duela, leku asko garbitu gabe daudelako oraindik", adierazi du Claudio Yucot Bicoleko Defentsa Zibileko zuzendariak.

Bicol eskualdean izan dira, hain zuzen, orain arte zenbatutako hildako gehienak. Beste 11, aldiz, Samarren hil dira. Gainera, beste hemeretzi lagun desagertuta daude, eta milaka herritarrek atera behar izan dute beren etxeetatik. Iturri ofizialen arabera, 128.982 herritar desplazatu behar izan dira ekaitzaren ondorioz.

Horrez gain, kalte ugari ere eragin ditu ekaitzak, besteak beste, garraioan eta errepideetan.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Fernandez, azaroan, La Plata hirian egindako ekitaldi batean. ©DEMIAN ALDAY / EFE

Cristina Fernandezi sei urteko kartzela zigorra ezarri dio auzitegi batek

Mikel Elkoroberezibar Beloki

Ustelkeria leporatu diote, eta inhabilitazioa ezarri. Foruduna denez, Argentinako presidenteordeak babesa izango du 2023ko udaberrira arte

Errusiako armadako tanke batzuk ariketa militarrak egiten Rostov eskualdean, iazko urtarrilaren amaieran. ©EFE

Neguak gerrari eragingo dio

Igor Susaeta

Elurrak, hotzak eta eguzki orduen urriak baldintzatuko dituzte guda zelaiko mugimenduak eta horien ondorioz sortutako abaguneei eman beharreko erantzunak.
Indonesiako zigor kodearen erreformaren kontrako protesta bat, atzo, herrialdeko parlamentuaren parean, Yakartan. ©MAST IRHAM, EFE

Indonesiak urtebeteko espetxearekin zigortuko ditu ezkontzatik kanpoko sexu harremanak

Gorka Berasategi Otamendi

Parlamentuak zigor kodea moldatzea onartu du gaur. Erreformaren bidez, debekatu egin du apostasia, agintariak iraintzea eta aurrez abisurik eman gabe protesta egitea.

Kolonbiako eremu deforestatu bat. ©Mauricio Dueñas Castañeda, EFE

Deforestazioaren aurkako araudia adostu dute Europar Kontseiluak eta europarlamentuak

Gorka Berasategi Otamendi

Egitasmoaren helburua da baso suntsitzearekin lotutako salgaiak Europako Batasunaren merkatutik kanporatzea. Produktu jakin batzuk merkaturatzen dituzten enpresek ziurtatu beharko dute beren ekoizpen kateek ez dutela deforestazioa eragiten.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.