EUSKAL PRESOAK

Garikoitz Aspiazu presoaren senideek istripu bat izan dute

Bikotekideak eta 23 hileko semeak izan zuten ezbeharra. Onik daude biak.

Etxerat-ek elkarretaratzea egin zuen iazko apirilean, Ibon Goieaskoetxea presoaren senideen istripua salatzeko.
Etxerat-ek elkarretaratzea egin zuen iazko apirilean, Ibon Goieaskoetxea presoaren senideen istripua salatzeko. Aritz Loiola / Foku

Jon O. Urain -

2019ko urtarrilak 5

Garikoitz Aspiazu euskal presoaren bikotekideak eta haien 23 hilabeteko semeak auto istripu bat izan zuten Urteberri egunean, Arlesen (Okzitania), Aspiazuri bisita egin ostean, Etxerat elkarteak jakinarazi duenez. Arlesen bertan dago preso, sorterritik 665 kilometrora. Beste auto batek Aspiazuren senideak zihoazen ibilgailua jo zuen; onik irten ziren biak, eta bidaia jarraitu ahal izan zuten.

Etxerat-ek gogorarazi du presoei bisitan joateagatik 2019an izandako lehen ezbeharra izan dela eta zazpi istripu gertatu zirela iaz. Elkarretaratzera deitu du: astelehenean, Iruñean, Gobernu Zibilaren egoitza aurrean (20:00); asteartean, Gasteizko Andre Maria Zuriaren plazan (19:30) eta Bilboko Arriaga plazan (19:30); eta, asteazkenean, Donostiako Bulebarrean (19:00).

Amnistiaren aldeko eta Errepresioaren aurkako Mugimenduak elkartasuna adierazi die Aspiazuri eta istripua izan zuten senideei, eta Frantziako eta Espainiako gobernuen espetxe politika arbuiatu du, presoen "izaera politikoari uko egin diezaioten erreminta zikina delako".

Aspiazu da Arlesen dagoen euskal preso bakarra, eta, beraz, urrunduta eta bakartuta daukate. AEMen arabera, bi ondorio ditu horrek: "Batetik, senideen huste ekonomikoa areagotzea, bidaiak beste inorekin partekatu ahal ez izateagatik, eta, bestetik, presoaren bakartze politikoan sakontzea". Gainera, salatu du Frantziak "preso politikoen arteko ezberdintasun argia" egiten duela, "onen eta txarren arteko ezberdintasunaren argudioa berriz aireratuz eta hurbildu dituztenen aurkako mehatxua mantenduz".

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Nekane Murga Jaurlaritzako Osasun sailburua agerraldi batean. ©Javier Etxezarreta/EFE

Murga: «Hau bigarren olatua da»

Olatz Esteban Ezkati

Azken orduetan nabarmen ugaritu dira kasuak Hego Euskal Herrian: 419 positibo atzeman dituzte, atzo baino 108 gehiago.

Bastidan, mahats bilketa, 2018an. ©Jaizki Fontaneda / Foku

Araban ere PCRak egingo dizkiete sasoikako langileei

Berria

Arabako Errioxan mahats bilketan 2.500 eta 3.000 langile artean ibiltzea espero da, eta Jaurlaritzak baieztatu du aukera hori aztertzen ari direla. Nafarroak sasoikako langileei eginiko lehen proben emaitzak jaso ditu: denek negatibo eman dute.

Azkaineko (lapurdi) eskolako sartzea, itxialdiaren ondotik. ©Guillaume Fauveau

Bidarteko udalekua itxi dute langile batek positibo eman duela eta

Oihana Teyseyre Koskarat

31 haur izan dira kontaktu zuzenean. Udalekua hetsirik egonen da bi egunez gutxienez. Maskara derrigortu dute Bidarten, Ezpeletan, Getarian (Lapurdi) eta Donibane Garazin.

Aguraingo plaza. ©Aritz Loiola/FOKU

Aguraingo Kokolo eta Donostiako Ramuntxo Berri tabernetan izan direnei proba egitera joateko eskatu die Jaurlaritzak

Berria

Agurainen, uztailaren 29tik abuztuaren 2ra han egon zirenei egin die deia; Donostian, berriz, uztailaren 26tik abuztuaren 3ra egondakoei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna