Albistea entzun

Gabondar Errepublika

Estatu kolpea ematen saiatu da militar talde bat Gabonen

Estatuaren irratia hartu dute militarrek, "kontseilu nazionala berrezartzeko" asmoa iragartzeko. Gobernuak adierazi du atxilotu egin dituela matxinatuak, eta "kontrolpean" duela egoera.

Ali Bongo Ondimba Gabondar Errepublikako presidentea, artxiboko argazkian
Ali Bongo Ondimba Gabondar Errepublikako presidentea, artxiboko argazkian

Berria -

2019ko urtarrilak 7

Ordu gutxi batzuk baino ez du iraun Gabonen militar talde batek egindako estatu-kolpe saiakerak, Guy-Bertrand Mapangou gobernuaren bozeramaileak eguerdian esandakoaren arabera: "Egoera kontrolpean dago eta hiru bat ordutan berrezarriko dugu normaltasuna". Mapangouk ziurtatu du atxilotu dituztela militar matxinatuak, eta AB Afrikako Batasunak ere gaitzetsi egin du ekinaldia. "Konstituzioaren aurkako botere aldaketa oro erabat baztertzen dugu", adierazi du Moussa Faki Mahamat ABko presidenteak.

Gaur goizean izan da estatu-kolpe saiakera. Urritik, herrialdetik kanpo dago Ali Bongo Ondimba presidentea; Riadera (Saudi Arabia) joan zen hasieran, eta Rabaten (Maroko) dago azarotik, gaitz batetik osatzen. Urtezahar egunean hitzaldi bat eman zuen handik, eta, matxinada saiakeraren buru egin duen Kelly Ondo Obiang militarrak kritikatu duenez, haren aginteari buruzko "zalantzak areagotu" zituen horrek: "Gaitasun fisiko eta mental handirik gabeko paziente bat agertu zuen". Gabonen aldeko eta Armadako Gazteria Abertzalearen Mugimenduko kide gisa aurkeztu du bere burua Ondo Obiangek, estatuaren irratia hartzean esan duenez, "kaos" egoerari aurre egin eta "kontseilu nazionala berrezartzeko" asmoz egin dute estatu kolpea. Oposizioko indarrek ere "botere hutsuneaz" ohartarazi izan dute azken asteetan.

Tokiko hedabideek azaldu dutenez, tiro hotsak entzun dira goizetik Libreville hiriburuan, eta ohi baino mugimendu handiagoa zuten militarrek. Gobernuak egoera "kontrolpean" duela esan du, baina berri agentziek ziurtatu dutenez, Internet ez dabil Librevileen, eta sare sozialak ere ez daude erabilgarri.

Ali Bongo Ondimba (1959, Kongo) 2009tik da Gabondar Errepublikako buru. Urte hartan hil zen Omar Bongo, Ali Bongoren aita, lau hamarkadaz Gabongo presidente izandakoa (1967-2009) —Gabondar Errepublikak 1960an deklaratu zuen Frantziarekiko independentzia—. Semeak hartu zuen kargua behin-behinean, eta hauteskundeetara deitu zuen ondoren. Bera izan zen garaile, nahiz eta oposizioaren hautagaiek iruzurra salatu. 2016an berriz egin zituzten bozak, eta emaitza estuekin irabazi zuen Bongok. Europako Batasunak ere kritikatu egin zuen prozesu haren zilegitasuna.

 

 

 

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

 ©JAGOBA MANTEROLA / FOKU

«Afrikan ere, emakumeak borrokan ari dira euren eskubideen alde»

Arantxa Elizegi Egilegor

Munduko Medikuak erakundeko kidearen esanetan, herrialde askotan egoera hobetu bada ere, nesken eta emakumeen aurkako praktikak oso errotuta daude oraindik nekazaritza eremuetan.

Erasoa gertatu den kalea, itxita. / ©Essexeko Polizia

Amess diputatuaren hilketa «ekintza terrorista» da, Poliziaren arabera

Jon Ordoñez Garmendia

Poliziak 25 urteko gazte bat atxilotu du, eta muturreko islamista bihurtzeko arriskuan dauden pertsonen zerrendetan egon zela zabaldu dute.

Armadaren eraso batek Thantlang herrian (Chin, Myanmar) eragindako kalteak. ©THE CHINLAND POST / EFE

ASEANen goi bileratik kanpo utzi dute Myanmarko juntako burua

Iosu Alberdi

Herrialdeko gatazka konpontzeko urratsik ez egitea leporatu diote junta militarrari. Aung San Suu Kyirekin biltzea galarazi diote erkidegoaren ordezkariari. Otsailaren 1etik 1.171 manifestari hil dituzte

Hiru indar politikoetako kideak, gaur Berlinen, prentsaren aurrean ©CLEMENS BILAN / EFE

Sozialdemokratek, berdeek eta liberalek elkarrizketa formalak hasiko dituzte

Igor Susaeta

Koalizio gobernu bat osatzeko bidean, testu bat adostu dute hiru indarrek, eta klima larrialdiari aurre egiteko neurriak ditu ardatz; baita eskakizun liberalak, hala nola, zerga gehiago ez ezartzeko konpromisoa

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.