Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Kultura

Txillardegi "omendu eta erreibindikatzeko" ekitaldiak, hil zeneko zazpigarren urtemugan

Txillardegi Udal Liburutegia herri plataformak antolatu ditu ekitaldiak, Donostian, hilaren 13rako. Plataformak nabarmendu du idazleak oraindik ez duela aitortza ofizialik jaso bere jaioterrian.

Txillardegiri iaz egindako omenaldia, Donostiako Antiguan.
Txillardegiri iaz egindako omenaldia, Donostiako Antiguan. Jon Urbe/Foku.

Berria -

2019ko urtarrilak 7

Urtarrilaren 14an beteko dira zazpi urte Jose Luis Alvarez Enparantza Txillardegi idazle eta ekintzailea hil zela. Urteurrena baliatuz, "omen eta erreibindikazio" ekitaldiak egingo dituzte bezperan —hilaren 13an—, Donostian. 11:00etan hasita, Txillardegiren Antigua ibilaldi gidatua egingo dute Antiguan zehar, haren Antigua 1900 liburua oinarri hartuta eta Josu Tellabide etnologoaren gidaritzapean. Gaskuña plazan jarri dute abiapuntua, bertan baitzegoen Txillardegi etxea. "Ondoren, Txillardegiren haurtzaroaren eta Antigua zahar haren lekuko izan ziren hainbat leku ezagutuko ditugu", jakinarazi dute antolatzaileek.

Ekitaldia egingo dute ondoren, 13:00etan, Gaskuña plazan. Iaz ere han egin zuten urteurreneko omenaldia, eta mural bat margotu zuten Alvarez Enparantza irudikatuz. Haren aurrean egingo dute aurtengo ekitaldia, eta besteak beste, Jean-Louis Davant euskaltzainak hartuko du parte.

Pasatu berri den urtean bete zituen Euskaltzaindiak 50 urte, eta beste zenbait eragileren artean, gogora ekarria izan da Txillardegiren izena ere. Testuinguru hartan egin zioten omenaldi bat Oñatiko Arantzazun (Gipuzkoa), eta plaka bat ere jarri zioten Oñatiko Udalak eta Txillardegi Herri Ekimenak. Aurten, Korrikak egingo dio omenaldia. Ildo horretatik, herri plataformak "bereziki" nabarmendu du Txillardegik oraindik ez duela jaso "merezi duen aitortza ofizialik" bere jaioterrian, Donostian.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Stanislaw Lem, 1962an, Krakovian (Polonia). ©EFE

Itsasoa, itsasoa

Joannes Jauregi

Stanislaw Lem idazle poloniarrak ehun urte beteko zituzkeen aurten, eta duela hirurogei kaleratu zen haren obra nagusia, 'Solaris' eleberria; nobela bikaina da, klasiko peto-petoa.

 ©JON URBE / FOKU

«Amaia Ezpeldoik aldez alde kanbiatzen ikusi du Euskal Herria»

Gorka Arrese

Amaia Ezpeldoi izena du Itxaro Bordaren pertsonaia literario nagusiak. Hiru hamarkada zeharkatu ditu, mende batetik bestera. Nobeleskoa da, detektibea delako; benetakoa dirudi, fikzioaz honago dagoelako.
 ©ANE GARCIA

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.