Noiz sortua: 2019-02-01 17:21:54

GIZARTEA

Legezkotzat jo dute prostituzioaren bezeroak zigortzeko Frantziako araua

Asanblea Nazionalak orain ia hiru urte onartu zuen legea, eta isunak ezarri zituen bezeroentzat. Kontseilu Kontituzionalera jo zuten elkarte batzuek, legea bertan behera utz zezan, baina ezezkoa eman du kontseiluak.

Prostitutak ez, bezeroak zigortzea erabaki zuen Asanblea Nazionalak.
Prostitutak ez, bezeroak zigortzea erabaki zuen Asanblea Nazionalak. Laurent Dominique/Efe

Garikoitz Goikoetxea -

2019ko otsailak 1

Frantziako Asanblea Nazionalak bi urte eta erdiko eztabaidaren ondoren onartu zuen Prostituzio Sistemaren Kontra Borrokatzeko eta Prostituitutako Pertsonak Laguntzeko Legea, 2016ko apirilean. Lehendik ere legedi zigortzailea zuen Frantziak sexu lanaren inguruan —prostituzio etxeak debekatuta daude, adibidez—, eta ildo beretik jarraitu zuen lege horrekin. Ez zuten erabaki zuzenean prostituzioa zigortzea. Haien zerbitzuak erabiltzen dituzten bezeroak jarri zituzten jomugan: 1.500 eurotik 3.750 eurorainoko isuna, "sexua erosteko" delitua egiten atzemanez gero. Horren ondorioz, kendu egin zuten prostitutei "bezero bila aritzea" debekatzen zien delitua, 2003an ezarria.

Elkarte batzuek auzitara jo zuten legearen aurka, "bezeroak kriminalizatzea" zelakoan; besteak beste, Munduko Medikuak taldeak eta Sexu Langileen Sindikatuak jo zuten Frantziako Kontseilu Konstituzionalera. Legea konstituzioaren aurkakotzat jotzea eta baliogabetzea nahi zuten.

Kontseiluak, ordea, atzera bota du eskaria, eta adierazi du legeak bidezko helburuak zituela: "Prostituzio sistemaren aurkako borroka indartzea eta prostitutak laguntzea". Salatzaileek argudiatu zuten “askatasun pertsonalen aurkakoa" zela legea, baina epaileek erantzun dute bezeroak zigortuta giza salerosketari eta esplotazioari aurre egingo zaiola. "Pertsonen duintasuna bermatzeko helburua du, eta ordena publikoari eusteko eta delituak prebenitzeko balio konstituzionala ere badu xede".

Prostituzioa giza salerosketarekin eta esplotazioarekin erabat lotu du Kontseilu Konstituzionalak, beraz: "Printzipioen ikuspegitik, konstituzioan ezin dugu ezarritzat jo prostituzio merkatua eta sexua erostea, definizioz erlazio biolentoa baita".

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 25ean eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, zortzi positibo atzeman dituzte PCR probekin, eta hiru gaixo ospitaleratu dituzte. Euskal Herrian 28.496 gaixok eman dute positibo guztira, koronabirusa atzemateko probaren bat eginda. Horietatik 2.020 hil dira. Grafikoak, albiste barruan.

Ikasle bat ikasgelan, Donostiako Axular Lizeoan. ©Gorka Rubio / Foku

Eskola «gutxitan» itzuli dira ikasgelara, sindikatuen arabera

Berria

ELA, LAB, Steilas, CCOO eta UGT sindikatuen arabera, ikastetxe «gutxi» izan dira gaur ateak ireki dituztenak. Sindikatuek protesta egin dute Gasteizko Eusko Jaurlaritzaren egoitzaren aitzinean.

Ikasgelara itzulera

Abian da itxialdiaren bigarren arindua

Berria

Konfinamendua samurtzeko neurriak ugaritu direla agerikoa izan da gaur; hondartzetan, makrodendetan, ostatuetan eta eskoletan aldaketa eguna izan da. Sindikatuek ohartarazi dute arretaz aztertuko dutela ea ikasleak eta irakasleak segurtasunez itzultzen ari diren eskolara, eta hala ez bada mobilizazioak egingo dituztela nabarmendu dute.

 

Arrrigunagako hondartza, Bizkaian. ©Marisol Ramirez / FOKU

Paisaia aldatzen (eguneko laburpena)

Pello Urzelai

Hildakorik gabeko egun baten ondoren, berriz zenbatu dira hildakoak, baina gorabeherak daude Nafarroako datuekin.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna