Gaixotasun larriak dituzten euskal preso guztiak aske uzteko eskatu dio Sare plataformak Espainiako Gobernuari, beste behin. Sareren iritziz, duela astebete zendu zen Oier Gomez preso ohiaren heriotzak agerian utzi du Espainiako espetxe politikaren izaera bidegabea. Hala, Oierren heriotza "espetxe politika anker honen azkena" izatea eskatu du. Horretarako, larriki gaixo dauden presoak "berandu izan baino lehen" aske uzteko galdegin dio plataformak Pedro Sanchezen gobernuari.
Manifestazioaren amaieran irakurritako agirian, Sarek "inpunitate eta zigorrerako eremutzat" eta "gune injustu eta krudeltzat" definitu ditu espetxeak, eta gaixotasun larriak dituzten 21 presoak askatzeko eskatu du, "halaxe jasotzen baitu zigor kodeak".
Ehunka lagunek egin dute bat Sareren mobilizaziorako deialdiarekin, Donostian, Galdakaon eta Gasteizen.
Larriki gaixo diren presoak, berandu baino lehen, euren gaitza baldintza duinetan bete ahal izateko etxeratuak izan behar dutela aldarrikatzen ari gara Gasteizen. Eta ez gaitza sendaezina denean, heriotza ate joka dela. #GaixoLarriakEtxerapic.twitter.com/VfJRreYN0T
— Sare #OrainPresoakðŸ‘ÂÂÂÂÂŒðŸ—ÂÂÂÂÂÂÂ🕊 (@sare_herritarra) 2 de febrero de 2019
Ehunka lagun eguerdian Galdakaon #TxusEtxera#GaixoLarriakEtxera manifestazioan. Oier Gomez azkena izan dadila!
— Sare Bizkaia (@SareBizkaia) 2 de febrero de 2019
Hoy en #Galdakao manifestación para exigir la vuelta a casa de Txus Martin y el resto de Presxs gravemente enfermxs. pic.twitter.com/Qvfkgpc11v
200 lagunetik gora egon gara gaur Donostian, Oier azkena izan dadila eta Preso #LarrikiGaixoaketxera ekartzeko eskatzen! pic.twitter.com/iaAQ7DhOXe
— Sare Donostia (@SareDonostia) 2 de febrero de 2019
AEM Amnistiaren Aldeko eta Errepresioaren Kontrako Mugimenduak ere manifestazio bat egin du Gasteizen, Oier Gomezen heriotza salatzeko, Preso gaixoak askatu, amnistia osoa lelopean.
Oier Gomezen gasteiztarra minbiziak jota hil zen, joan den larunbatean. 2017ko urtarrilean diagnostikatu zioten gaixotasuna, Frantzian preso zela. Hala ere, DPS segurtasun handiko erregimenean atxiki zuen, Meauxeko espetxean. Ez zuten aske utzi iazko apirilaren 25era arte. 35 urterekin zendu da.
Azken agurra, debekatuta
Oier Gomezi azken agurra emateko Gasteizen deituta zegoen ekitaldia debekatu egin du Arabako hiriburuko epaitegi batek. Estatuko Abokatutzak Auzolana pilotalekuan egitekoa zen ekitaldia debekatzeko eskatu du eta epaitegiak aintzat hartu du eskaria. Gomezen gertukoek prentsaurrekoa deitu dute debekua salatzeko, gaur, 13:30ean, Gasteizko Plaza Berrian.