Albistea entzun

hauteskundeak

Gemma Zabaletak babesa eman dio Jone Goirizelaia EH Bilduren Bilboko alkategaiari

PSE-EEko kide ohia aurkezpen publikora joan da. "Sinesgarritasuna du Goirizelaiak; hautagairik fidagarriena da".

Gemma Zabaleta —bigarren lerroan, eskubitik bigarrena—, gaur, EH Bilduren ekitaldian.
Gemma Zabaleta —bigarren lerroan, eskubitik bigarrena—, gaur, EH Bilduren ekitaldian. Tamaina handiagoan ikusi

Enekoitz Esnaola -

2019ko otsailak 9

Gaur aurkeztu da Jone Goirizelaia EH Bilduren Bilboko alkategai modura, taldearen Bilboko ekitaldi publiko batean, eta babesa ematera joandakoen artean izan da Gemma Zabaleta PSE-EEko kide ohi eta Eusko Jaurlaritzako sailburu izana. Zabaletak BERRIAri azaldu dio Goirizelaia, pertsona gisa ez ezik —Ahotsak emakumeen mugimenduan elkarrekin ibili ziren—, hautagai modura ere sostengatu duela. "Batetik, Jone laguna da, eta, garai batean, inkomunikazio politikaren aurka borrokatu ginen. Bestetik, pertsona fidagarria da, sinesgarritasuna du; nik esango nuke hautagairik fidagarriena dela. Horrez gain, politika egiteko beste eredu bat du, eta alternatiba berria behar dugu". 

Goirizelaiak ekitaldian adierazi du "eskubideak defendatzeko eta injustiziak ­borrokatzeko" aurkeztuko dela Bilboko alkatetzarako. Egun, EAJk hamahiru hautetsi ditu —haien artean, Juan Mari Aburto alkatea—, eta bigarren taldea da EH Bildu, lau zinegotzirekin. Maiatzaren 26an izango dira hauteskundeak.

EH ˆBilduko legebiltzarkidea da gaur egun Goirizelaia.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Iheslariak, 2013ko ekainean Miarritzen egindako ekitaldian. Han iragarri zuten sorterrira itzultzeko borondatea. ©GAIZKA IROZ /LE JOURNAL

BAINA BIHOTZAK DIO

Gotzon Hermosilla

Azken bost hamarkadetan, euskal iheslariena errealitate ezkutu eta ezezaguna izan da askorentzat. Mundu osoan barreiaturik egon ostean, aspaldi honetan sorterrirako bidea hartu dute haietako askok; hala ere, oraindik badaude zenbait oztopo, guztien etxeratzea galarazten ari direnak.

Iheslariak, 2013ko ekainean Miarritzen egindako ekitaldian. Han iragarri zuten sorterrira itzultzeko borondatea. ©GAIZKA IROZ /LE JOURNAL

Errefuxiatuen alderik humanoenaren bila

Ainhoa Larretxea Agirre

Sei errefuxiaturen historiak bilduko ditu 'Kaxa Hutsak' webdokak. Iheslarien alde humanora jo nahi izan dute, iheslari izateak bakoitzarentzat zer erran nahi duen adierazteko. Josu Larizen esperientzia biltzen duena dago ikusgai.
Jon Irazola, Itziar Imatz, Pello Gantxegi eta Arantxa Sasiain, Andoaingo Martin Ugalde kultur parkean. ©JON URBE / FOKU

«Hainbeste urtez egon naiz paperik gabe, Damoklesen ezpata gainean»

Jon O. Urain

Sarekadetan alde eginikoek «zortea» izan dutela; «justiziatik ihesi» joan zirela; hor zehar «aske» ibili direla. Hamaika uste ustel daude iheslari eta deportatuen inguruan, eta, mito horiek desegiteko, kolektibo horren kontrako «armategi administratibo eta errepresiboa» ikusarazi nahi dute Jon Irazolak, Itziar Imatzek, Pello Gantxegik eta Arantxa Sasiainek.
Herritar bat botoa ematen, 2019ko udal bozetan. ©Idoia Zabaleta / FOKU

Koronabirusak blaitu ditu agintaldiak

Jone Arruabarrena

Koronabirusak ezinbestean markatu du herrietako udal taldeen erritmoa azken bi urteotan. Agintaldien balantze bat egiteko asmoz, Bizkaiko, Gipuzkoako eta Nafarroako Hitzek herrialde bakoitzeko zenbait herritako alkateak elkarrizketatu dituzte.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.