Albistea entzun

Tarda: "Mendekuan oinarritutako epaiketa bat da hau"

 

Hodei Iruretagoiena -

2019ko otsailak 27 11:21

"Lehenik, esan nahi dut katalanez egingo dudala". Horixe izan da ERCko diputatu Joan Tartak Voxeko herri akusazioaren lehen galderari emandako erantzuna. Hortxe hasi da epailearekin izaniko lehen eztabaida. Manuel Marchena epaimahaiko buruak azaldu du ezen, Espainiako Auzitegi Gorenean daudenez, lekuko gisa "hizkuntza ofizialean" egin behar zuela: gazteleraz —akusatuei aukera eman zieten katalanez egiteko, baina soilik ondoz ondoko itzulpenarekin—. Azalpena argitze aldera, Tardak galdetu egin dio epaileari: "Eskubidea dut katalanez egiteko?". Erantzuna ere, argia: "Ez".

Ez da izan goizeko eztabaida bakarra. Lehen lekukoa aretora sartu aurretik, Marchena epaileak ohartarazi du: Espainiako legediaren arabera, lekukoak ez daude iritzia eman edo balorazioak egiteko, gertaera batzuk argitzen laguntzeko baizik. Eman dio buruhausterik horrek ere. "Mendekuan oinarritutako epaiketa bat da hau", esan du Tardak, eta epaileak kargu hartu dio: "Ez duzu baimenik balorazio politikorik egiteko, nahiz eta diputatua izan". Herri akusazioari ere errieta egin dio Marchenak, haren galderek "balorazio politikoei" bide ematen zietela eta. Ez da erraza "gertaeren" eta "balorazio politikoaren" muga non dagoen zehaztea halako epaiketa batean.

Adibidez, defentsako abokatuak ERCri buruz galdetu dionean, honela hasi da Tarda: "Alderdi errepublikano bat gara, eta munduko ehunka milioi herritarrekin batera, printzipio errepublikanoak defendatzen ditugu [...] Alderdi sozialdemokrata bat gara, eta errotik antifaxistak. Tesi iberistak defendatu izan ditugu...", eta epailearen ohartarazpena, berriz. "Zure ideiak ezagunak dira", esan du. Eta defentsako abokatuak: "Agian ez dira hain ezagunak, hemen epaitzen ari dena horixe baita". Marchenak behin eta berriz errepikatu du "gertaerekin lotutako galderak egiteko".

Herri mobilizazioen defentsa

Defentsako abokatuek, nagusiki, herri mobilizazioez eta urriaren 1eko oldarraldiez galdetu diote. "Herri mobilizazioa, gaur eta lehen, aldarrikapen modu bat izan da ideia sozialak aurrera eramateko, guztiok konkistatu dugun marko demokratikoaren eta oinarrizko eskubideen barruan". Azaldu du irailaren 20ko elkarretaratzean, esaterako, indarkeria saihesteko deia egin zuela, eta gogora ekarri du urriaren 2an Margarita Robles PSOEko kideak ekinbide bat aurkeztu zuela Espainiako Kongresuan, erreferendumeko egunean poliziek izandako jarrera eta Soraya Saenz de Santamaria presidenteordearena gaitzesteko. "[Polizien] Indarkeria horrek edozein demokratari eragin zion, nahiz eta gure jarreretatik urrun egon".

Gero, ordea, PSOEko kideek atzera egin dutela salatu du ERCkoak: "Gertatu zena izan zen, ordea, urriaren 3an, Felipe VI.ak diskurtso bat egin zuela errepresioari zilegitasuna emanez eta a por ellos [ekin gogor haiei] ideia sustatuz. Orduan erretiratu zuen PSOEk ekinbidea".

 

 

 

 

 

 

 

 

 

 

 

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Atzo Euskalgintzaren Kontseiluak antolatutako agerraldia; Iratxe Retolazak eta Leire Vargasek irakurri zuten adierazpena. ©MARISOL RAMIREZ / FOKU

«Euskarak izan behar du hezkuntza sistemako hizkuntza normalizatua»

Imanol Magro Eizmendi - Arantxa Iraola

Euskalgintzako hainbat pertsona ezagun batu ditu Euskalgintzaren Kontseiluak; adierazi dute euskara eta euskal kultura behar dituela ardatz Araba, Bizkai eta Gipuzkoarako ontzen ari diren Hezkuntza Legeak

Donostia ospitalea, artxiboko irudi batean. ©Andoni Canellada / Foku

Dimisioa aurkeztu dute Osakidetzako beste bi goi kargudunek

Ion Orzaiz- Paulo Ostolaza

Adolfo Begiristain eta Maite Martinez dira, Donostia ospitaleko kirurgia zerbitzuko zuzendariordea eta mediku zuzendariordea, hurrenez hurren.

 ©ARITZ LOIOLA / FOKU

ERAGILE, EGILE ETA ORDEZKARI

Julen Aperrribai

Duela 25 urte sortu zuten Euskararen Gizarte Erakundeen Kontseilua, euskararen normalizazio prozesua bizkortzeko eta euskalgintzako erakundeak bateratzeko. Hizkuntza politiketara begirako akordio sozial zabalak, plangintzak eta proposamen zehatzak eragiteko gaitasuna izan du hasieratik. Adostasunok galgatu egin dira sarritan pauso berean: maila sozialetik maila politikora eramateko unean.
 ©ARITZ LOIOLA / FOKU

«Adostasun politikoek edukia behar dute; ez gaude argazkien garaian»

Maite Asensio Lozano

Lema uztera doala, azken urteetan egindako aurrerapausoak gogoratu ditu, baina aitortu du arazo batzuk «kronifikatzen» ari direla. Hartara, hizkuntza politika «sendoak» eskatu ditu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...