Albistea entzun

Hauteskundeak

UPN eta Ciudadanos elkarrekin aurkeztuko dira foru bozetara, Navarra Suma izenarekin

Albert Riverak eman du berria, Madrilen. Hirukoa osatuko dute PPrekin batera, Nafarroan gobernu "konstituzionalista" lortze aldera. UPNren Kontseilu Politikoak gaur iluntzean eman dio baiezkoa egitasmoari.

Albert Rivera Ciudadanoseko burua, Altsasun (Nafarroa), iazko azaroko ekitaldi batean.
Albert Rivera Ciudadanoseko burua, Altsasun (Nafarroa), iazko azaroko ekitaldi batean. Villar Lopez/EFE

Berria -

2019ko martxoak 11 07:00

Albert Rivera Ciudadanoseko presidenteak jakinarazi du Nafarroan UPN eta Ciudadanos elkarrekin aurkeztuko direla maiatzaren 26ko foru hauteskundeetan. Haren arabera, akordiorako oinarria lortu dute horretarako, Nafarroan gobernu "konstituzionalista" lortze aldera. Madrilen hitz egin du Riverak, 2004ko martxoaren 11ko atentatuen oroimeneko ekitaldi baten ostean.

Riverak Madrilen aurreratutakoa berretsi egin du UPNren Kontseilu Politikoak iluntzean. 21:00etan eman dute prentsaurrekoa, Ciudadanoekin batera aurkezteko akordioa babestu dutela jakinarazteko. Joan den astean, UPNk eta PPk iragarri zuten koalizioan aurkeztuko direla Nafarroan maiatzaren 26an. UPNko zuzendaritzaren %72k babestu zuen akordio hori. Ciudadanosekin batera aurkezteko proposamenak askoz ere babes handiagoa jaso du gaurko bileran: %94k egin dute aukera horren alde.

Beraz, hirukoa osatuko dute UPNk, PPk eta Ciudadanosek. Navarra Suma izena emango diote hautagaitza bateratuari.

Ana Beltran Nafarroako PPko buruak esan du ona dela akordioa. "Itun ona da Nafarroarentzat eta Espainiarentzat, gobernuetatik ateratzeko Uxue Barkos [Nafarroako Gobernuko lehendakaria] eta Pedro Sanchez [Espainiakoa]". Azaldu du hiruko formula hori berak abenduan proposatu zuela, "Euskadik Nafarroa bere egiteko arriskuagatik". UPNk orduan baztertu egin zuen.

2015eko foru hauteskundeetan UPNk hamabost parlamentari lortu zituen, PPk bi eta Ciudadanosek batere ez —berrehun botora geratu zen bat lortzetik—.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Maddalen Iriarte, ostegunean, Eusko Legebiltzarreko politika orokorreko eztabaidan ©Raul Bogajo / Foku

EH Bilduk Maddalen Iriarte proposatu du Gipuzkoako ahaldungai nagusi izateko

Joxerra Senar

Maiatzeko foru hauteskundeetan zerrendaburu izateko erronka «onartu» du Iriartek, betiere koalizioaren barne prozesuaren irizpideak errespetatuz

Urkullu eta Andueza, herenegun, Eusko Legebiltzarrean. ©RAUL BOGAJO / FOKU

Zaharrak berria jan du

Iosu Alberdi

Erkorekak baieztatu du transferentzien inguruko elkarrizketak egiten ari direla. Jeltzaleek ez diote erreferentziarik egin estatus politiko berriari

 ©ARITZ LOIOLA / FOKU

«Frankismoaren Poliziak iraun egin zuen, baita haren jokabideak ere»

Gotzon Hermosilla

Espainiako Poliziak trantsizioan eragindako indarkeria aztertu du Ballesterrek liburu batean, eta, lehen aldiz, biktimen zerrenda bat osatu du: poliziek 134 pertsona hil zituzten, horien erdiak Hego Euskal Herrian.

EH Bilduk azaroaren 12an Bilbon mobilizatzera deitu du

Berria

Koalizio subiranistak dei egin du «euskal olatua» martxan jartzeko, «krisiek sortutako hormak» eraisteko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...