Albistea entzun

Ingurumena

NBEk agintariak ohartarazi ditu "inoiz ez bezalako larrialdi neurriak" hartu beharraz

Estatuak ez dira betetzen ari nazioarteko ingurumen itunik garrantzitsuenak, Nazio Batuen Erakundearen esanetan.

OMER MESSINGER/EFE

Gorka Berasategi Otamendi -

2019ko martxoak 13

Lur planetaren ingurumen egoerari buruzko GEO-6 txostena aurkeztu du, gaur, NBEko Ingurumen sailak, nazioarteko erakundeak Nairobin egin duen batzarrean. Ikerketaren emaitzetan oinarrituta, erakundeak ondorioztatu du estatuak ez direla neurri nahikoa hartzen ari 2030. eta 2050. urteetarako ezarri zituzten helburuak bete ahal izateko. Klima aldaketari aurre egiteko, garapen jasangarria bultzatzeko eta ingurumena zaintzeko konpromisoak hartu zituzten urte horietarako. "Larrialdi neurriak behar dira orain", dio txostenak. Gainera, ohartarazi du inoiz ez bezala zabaldurik ezarri behar direla neurri horiek, gizakiaren osasuna babesteko eta ingurumenaren arazo globalei aurre egiteko.

NBEk nabarmendu du erronkei heltzea posiblea dela, eta jakina dela zer neurri bultzatu behar diren. Neurri horiek Parisko Akordioan eta Garapen Jasangarrirako Helburuetan daude jasota: bioaniztasunaren galera geldiaraztea, airearen kutsadura murriztea, uraren eta baliabideen kudeaketa hobetzea, klima aldaketa ahultzea eta hari egokitzea, energia modu eraginkorrean erabiltzea...

GEO-6 txosteneko emaitzen arabera, estatuak "geldoegi" ari dira neurri horiek ezartzen, eta, kasu batzuetan, "kontrako bidean" doaz. "Larrialdi neurriak hartzeko gaitasun falta jarraituak ondorio kaltegarri eta potentzialki itzulezinak izaten ari da ingurumenaren oinarrizko baliabideetan eta gizakiaren osasunean".

Parisko Akordioa betetzeko, berotegi efektua eragiten duten gasen isuria %40 eta %70 artean murriztu beharko litzateke 2010. urtetik 2050era bitartean. 2070erako, eten egin beharko lirateke isuriak.

Ikerketa 70 herrialdetako 250 zientzialarik osatu dute. NBE 1997an hasi zen ingurumenaren egoerari buruzko GEO txostenak egiten. Ordutik egindako ikerketen arabera, "ingurumenaren egoera orokorrak mundu osoan egin du okerrera". NBEren Ingurumen sailak adierazi du herrialde jakin batzuen ahaleginak oztopo dituela "jasangaitzak diren ekoizpen eta kontsumo eredua" eta klima aldaketa.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Indarkeria matxistaren aurkako protesta bat, Iruñean. ©IÑIGO URIZ / FOKU

'Baietz da baietz' legearen aurretiko kondenei eutsiko diete Nafarroan

Ion Orzaiz

Nafarroako Auzitegiak ez du murriztuko zigorra, hura lege berriaren parametroetan sartzen bada. Gipuzkoako Auzitegiak etzi ebatziko du
Idurre Eskisabel, atzean Euskalgintzaren Kontseiluaren logoa duela. ©EUSKALGINTZAREN KONTSEILUA

Idurre Eskisabel izango da Kontseiluko idazkari nagusia

Julen Aperribai

Paul Bilbaok hamabi urte eman ditu kargu horretan, eta hura ordezkatuko du Eskisabelek gaur zortzi, Durangon. Euskararen auzia «gizartearen lehentasun» bihurtzea eta aliantzak sendotzea jarri ditu helburu
Mintzodromo bat, San Telmo museoan, Donostian. ©GORKA RUBIO / FOKU

Aniztasunerako zubigintza

Iraia Vieira Gil

Euskaraz ez dakitenak erakartzeko jardunaldiak antolatu ditu Euskaltzaleen Topaguneak. Euskarak sortzen dituen barne eta kanpo gatazkak izan dituzte hizpide.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.