Espainiako armadako Juan Carlos I.a hegazkinontzia Getxora iritsi zen atzo goizean, Kantauri itsasoan ariketa militarrak egiten aritu ostean. Gerraontziaren porturatzeak kritika ugari eragin ditu. Besteak beste, Getxo Udalak adierazpen instituzional bat onartu du ontziaren porturatzearekin ados ez dagoela jakinarazteko. Asteburuan, "ate irekien jardunaldiak" antolatu ditu Espainiako armadak Getxon, eta gerraontzia bisitatzeko aukera eskaini du. Ikusmina piztu du gerraontziak eta ilara luzeak sortu dira goizean, ontzia barrutik ikusi ahal izateko. Portuan, protestak ere izan dira. Gerrak sortzen duen hondamendia eta gastu militarra salatu dituzte hainbat eragile antimilitaristek eta Ongi Etorri Errefuxiatuak plataformak. Mobilizazioekin bat egin dute EH Bilduk eta Elkarrekin Podemosek.
Ongi Etorri Errefuxiatuak plataformak nabarmendu du gerrak direla herritarrak beren jaioterrietatik alde egitera behartzen dituen arrazoi nagusia. Salatu duenez, Getxon porturatu den ontzia gerra horietan parte hartzeko egina dago. "Bake operazioetan arituko balira, Mediterraneoan egongo lirateke iheslariak erreskatatzen", adierazi dute.
ðŸÂÂ’£ Armadek eta gerrek erailketa eta suntsiketa sortzen dute, giza eskubideak urratzen dituzte eta pertsonen lekualdaketaren arrazoi nagusia dira.@MOCBILBAO@CEAREuskadi@fiareBE@REASEuskadi@naiz_info@berria@deia_eus@elcorreo_com@eldiarionorte@HORDAGO_ElSaltopic.twitter.com/Lr9neWiw1o
— Ongi Etorri Errefuxiatuak Bizkaia (@oeebizkaia) 2019(e)ko martxoaren 23(a)
EH Bilduk eta Elkarrekin Podemosek ere protestetan parte hartu dute. Nerea Gijarrubia EH Bilduren Getxoko alkategaiak adierazi du "gerra, miseria eta heriotza zabaltzen duen gerraontzia ez dela ongietorria, ez Getxon, ezta Euskal Herrian ere". Getxoko Udalari eta gainerako euskal erakundeei dei egin die neurriak hartzera, horrelako egoerak errepikatu ez daitezen. Azaldu du eskari hori jasotzen duen mozioa aurkeztu duela EH Bilduk Getxoko Udalean. Koalzioak herritarrak animatu ditu gaurko mobilizazioetan parte hartzera.
Alde hemendik! Gerrazaleak, militarrak... ez zaituztegu nahi, ez Getxon ez Euskal Herrian! #aldehemendikpic.twitter.com/i6nLXe4cYP
— Getxoko EHBildu (@GetxokoEHBildu) 2019(e)ko martxoaren 23(a)
📽ï¸ÂÂÂÂNerea Gijarrubia (@GetxokoEHBildu): "Juan Carlos I armada-ontzia ez da ongietorria, ez #Getxo​n, ezta Euskal Herrian ere" pic.twitter.com/8yM5QGOt1v
— EH Bildu (@ehbildu) 2019(e)ko martxoaren 22(a)
Elkarrekin Podemosek ere gastu militarra eta gerra negozioa salatu ditu. Tinixara Guantxe legebiltzarkideak gaitzetsi egin ditu "merkatua pertsonen gainetik jartzen dituzten politikak".
👥Junto a @oeebizkaia y movimientos sociales en #Getxo contra el gasto militar y el negocio de la guerra que simboliza el portaaviones.
— Podemos Euskadi (@PodemosEuskadi_) 2019(e)ko martxoaren 23(a)
👥Getxon gaude mugimendu sozialek deitutako manifestazioan gerraontziak irudikatzen duen gastu militarraren eta gerraren negozioaren aurka pic.twitter.com/gKxgFy4KlD
Ernai gazte erakundeak martxa bat egin du Getxoko portura.
👋 #AldeHememdik oihukatu dugu gaur Getxoko portuan. Gerrazaleen itsasontzirik ez dugu Euskal Herrian nahi, ez eta espainiar armadarik.
— Ernai (@ernaigazte) 23 de marzo de 2019
Indar okupatzaileak kanpora!
(arg.: @EcuadorEtxea) pic.twitter.com/uahGClFMxP