Nafarroako Foruzaingoak berri eman duenez, istripu "oso larria" gertatu da gaur AP-15ean errepidean, Azkoien parean. Pertsona bat hil da, auto bat bidetik atera ondoren. 20:00ak pasatxoan gertatu da ezbeharra. Diario de Navarra-ren arabera, urtebeteko haur bat da hildakoa.
Goizean, berriz, beste hildako bat izan da Tebas-Muru Artederreta. 49 urteko gizon bat hil da Iruñea eta Tutera arteko N-121 errepidean izandako istripuan. Ospitalera eraman dute larrialdi zerbitzuek, baina ezin izan dute salbatu. Zauritu bat ere izan da.