Katalunia

Erreferendumarekin lotuta, TV3eko eta Catalunya Radioko zuzendariak auzipetu dituzte

Desobedientzia, prebarikazioa, funtsak bidegabeki erabiltzea, dokumentuak faltsutzea eta sekretuak jakinaraztea egozten diete 32 auzipetuei.

TV3eko zuzendari Vicent Sanchis dago auzipetuen artean. /
TV3eko zuzendari Vicent Sanchis dago auzipetuen artean. / Igor Susaeta

Arantxa Elizegi Egilegor -

2019ko apirilak 9

Orotara, 32 pertsona dira Bartzelonako epaitegiko 13. salako epaileak auzipetu dituenak. Aurrez ikerketapean zeuden guztiak, 2017ko urriaren 1eko erreferenduma antolatzen izandako parte hartzeagatik. Auzipetu dituenen artean daude TV3eko zuzendari Vicent Sanchis eta Catalunya Radioko buru Saul Gordillo. Aldiz, auzitik kanpo utzi dute Santiago Vidal epaile ohia

Horrez gain, diru publikoa bidegabe erabiltzeaz akusatutako 17 auzipeturi sei milioi euroko bermea ezarri die. Epailearen arabera, erreferenduma egiteko ustez baliatutako diru kopuruaren parekoa litzateke bermea.

Diru publikoa erreferenduma prestatzeko erabiltzea ez ezik, dokumentuak faltsutzea, prebarikazioa, desobedientzia eta sekretuak zabaltzea ere egozten diete. Sanchisez eta Gordilloz gain, auzipetuen artean daude, besteak beste, Amadeu Altafaj Generalitateko ordezkaria Europan, Natalia Garriga Generalitateko zerbitzu arduraduna eta Josep Masolive Puig Fundacio.cat-eko kidea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna