Albistea entzun

POLIZIA

Polizia Legeari jarritako zuzenketak baztertu ditu Eusko Legebiltzarrak

PPk iragarri du EAJrekin eta PSE-EErekin negoziatzen ari dela, legegaia "hobetzeko". Bestalde, emakumeei ofizialorde izateko postu kopuru bat gordetzeko erabakia bertan behera utzi du Araba, Bizkai eta Gipuzkoako Auzitegi Nagusiak.

Ertzaintzaren 24. promozioa, Arkautin, 2015eko irailean.
Ertzaintzaren 24. promozioa, Arkautin, 2015eko irailean. David Aguilar / EFE

Jon O. Urain -

2019ko apirilak 11 11:35

EAJk, PSE-EEk eta PPk bat egin dute gaur Eusko Legebiltzarrean, EH Bilduk eta Elkarrekin Podemosek Polizia Lege erreformari aurkeztutako zuzenketak atzera botatzeko. Nerea Llanos PPko legebiltzarkideak jakinarazi duenez, bere talde politikoa jeltzaleekin eta sozialistekin negoziatzen ari da, jatorrizko testuari zuzenketa batzuk egin eta horren edukiak "hobetzeko" asmoz.

Prentsaurreko batean eman zuen atzo Llanosek negoziazioen berri, Javier Ruiz de Arbulo PPko legebiltzarkidea eta Erne eta Esan sindikatuetako ordezkariak alboan zituela. Sindikatuek eskerrak eman dizkiete EAJ, PSE-EE eta PPri, polizien sindikatuen eskari ugari aintzat hartzeko prest agertzeagatik.

Jaurlaritzak iazko ekainean aurkeztu zuen aurreproiektua. PPk 57 zuzenketa partzial aurkeztu dizkio Jaurlaritzaren legegaiari, eta horietako batzuk behin betiko testuan txertatzeko negoziazioetan ari dira hiru taldeak. Llanosek azaldu du "sintonia" ona dagoela elkarrizketetan, eta espero du ekainerako lege erreforma onartzea.

Gordetako posturik ez

Bestalde, Araba, Bizkai eta Gipuzkoako Auzitegi Nagusiak arrazoia eman dio Ertzaintzako Sipe sindikatuari, eta bertan behera utzi du Herritarren Segurtasunerako eta Ikerketa ofizialorde lanetarako emakumeentzat postu kopuru bat gordetzeko erabakia. 2008ko lan deialdi batean hartu zen neurri hori. Urte horretan, bi ofizialorde kargu horiek betetzeko deialdiak egin zituen Jaurlaritzak, eta postu horien erdiak emakumeentzat gorde zituzten.

Helegitea aurkeztu zuen Sipek, ez zetorrelako bat emakumeentzat lanpostu kopuru zehatz bat gordetzearekin; ezta hautagaien berdinketa kasuan ere, sindikatuaren iritziz, kasu horretan beste faktore batzuk hartu behar zirelako kontuan lana nori eman erabakitzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Foro Sozial Iraunkorreko koordinatzaile Agus Hernan, atzo, Zaballako espetxean. ©JAIZKI FONTANEDA / FOKU

Foro Sozialak azken bilera egin du EPPK-ko ordezkariekin

Gotzon Hermosilla

Honenbestez, bi aldeek bukatutzat eman dute 2017an irekitako elkarrizketa iraunkorreko etapa. Foro Sozialak esan duenez, EPPK-k ontzat jo du urte hauetako harremana

Gure Esku-ko Josu Etxaburu, atzo, Eusko Legebiltzarrean. ©JAIZKI FONTANEDA / FOKU

Gure Esku-k ekintzetara igarotzeko eskatu dio Eusko Legebiltzarrari

Iosu Alberdi

Elkarteak talde parlamentarioei exijitu die eztabaida «garden eta ireki» bat hasteko, erabakitzeko eskubidea arautzea helburutzat hartuta
Armak erabilerarik gabe uzteko saioan parte hartu zutenak, Luhusoko Errekarte baserrian, 2018ko abenduan. ©/ Bob Edme

Luhusoko auziko instrukzio aldia amaitutzat jo dute

Jon O. Urain

Fiskalak hilabeteko epea du orain auziari buruzko eskaera aurkezteko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...