Albistea entzun

Kuban deportatua dagoen anaia ikusteko baimena ukatu diote Bittor Urtiagari

Santurtziarra 1984tik dago Karibeko uhartean. Orotara, hamabi euskal deportatu politiko daude han gaur egun, eta haiek etxera itzul daitezen urratsak egiten hasteko eskatu die Etxerat-ek instituzioei.

Etxerateko kideak Bittor Urtiaga eta Eba Ferreirarekin. /
Etxerateko kideak Bittor Urtiaga eta Eba Ferreirarekin. / Etxerat Tamaina handiagoan ikusi

Berria -

2019ko apirilak 11 16:05

Bittor Urteagari ukatu egin diote Joxe Anjel anaia ikusteko baimena. Kuban bizi da Joxe Anjel, 1984an Frantziak Panamara kanporatu zuenetik, eta maiz joan izan zaizkio senideak hara bisitan. Baina azken urteetan gero eta oztopo gehiago jarri dizkiete uhartera joateko. AEBetako adminstrazioak eragotzi dio Kubara bidaiatzea, AEBetako aire espazioa zeharkatzea debekatu baitio. Iazko urrian, ere oztopoak jarri zizkioten. Eba Ferreira emaztearekin batera joan zen Kubara Bittor, eta Habanan itzulerako hegazkina hartzera zihoazenean, aireratzeko baimena ukatu zien biei Air Europa konpainiak. Inolako arrazoirik eman gabe, eta erreklamatzeko aukerarik gabe.

Etxerat elkarteak salatu du Joxe Anjelen anaia izatea dela Bittorren "delitu bakarra", eta salatu du Bittorrena ez dela halako kasu bakarra. Gaur egun, beste 11 deportatu daude Venezuelan, Kuban, Sao Tomen eta Cabo Verden bizi direnak. "Duela 34 urtetik hona, salbuespenezko neurri hau martxan jarri zutenetik, deportatuak izan diren Euskal Herriko biztanleen kopurua 70era iritsi da, eta haietako 11 erbestean hil dira".

Horiek hala, erbesteratuak izan direnak etxera itzul daitezen urratsak egiten hasteko eskatu die elkarteak instituzioei. "Beren burua defendatzeko aukerarik gabe, eta inolako oinari juridikorik gabe kanporatu zituzten, eta, beraz, ez dago inolako argudiorik haien egoerari bere horretan eusteko. Gainera, deportazioa zigor gehigarria da, ezartzen denetik beretik hasita igarotzen den denbora ez baita zenbatzen".

Deportazioek atzerrian daudenen senide eta lagunengan dituzten ondorioak ere salatu ditu Etxerat-ek, eta gogorarazi harainoko bidaia egiteak  ahalegin ekonomiko handia dakarrela berekin, eta oztopo ugari gainditu behar direla. "Behartutako bidaiak dira, maite ditugun pertsonekin kontaktua mantendu ahal izateko, eta, Bittor Urtiagaren kasuan, egoeraren krudeltasuna bikoizten da, bidaiatzea debekatzen baitiote".

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Foro Sozial Iraunkorreko koordinatzaile Agus Hernan, atzo, Zaballako espetxean. ©JAIZKI FONTANEDA / FOKU

Foro Sozialak azken bilera egin du EPPK-ko ordezkariekin

Gotzon Hermosilla

Honenbestez, bi aldeek bukatutzat eman dute 2017an irekitako elkarrizketa iraunkorreko etapa. Foro Sozialak esan duenez, EPPK-k ontzat jo du urte hauetako harremana

Gure Esku-ko Josu Etxaburu, atzo, Eusko Legebiltzarrean. ©JAIZKI FONTANEDA / FOKU

Gure Esku-k ekintzetara igarotzeko eskatu dio Eusko Legebiltzarrari

Iosu Alberdi

Elkarteak talde parlamentarioei exijitu die eztabaida «garden eta ireki» bat hasteko, erabakitzeko eskubidea arautzea helburutzat hartuta
Armak erabilerarik gabe uzteko saioan parte hartu zutenak, Luhusoko Errekarte baserrian, 2018ko abenduan. ©/ Bob Edme

Luhusoko auziko instrukzio aldia amaitutzat jo dute

Jon O. Urain

Fiskalak hilabeteko epea du orain auziari buruzko eskaera aurkezteko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.