Albistea entzun

21. Korrika

Auzoz auzo jendetza handia bildu du Korrikak Donostian

Bilbon euskaltzale oldea bildu ondoren, Gipuzkoan sartu da Korrika bederatzigarren egunean. Goizean, jendetza handia bildu da Azpeitian eta Zumaian, eta arratsaldean iritsi da Donostiara.

Berria -

2019ko apirilak 12

Gipuzkoara egin du jauzi lasterketak bederatzigarren egunean: goizaldean sartu da Mutrikutik barrena. Goizean, Debabarrena eta Urola Kosta igaro ditu, eta, arratsaldean, Donostiara iritsiko da. Gauean, Beterrira joko du, eta, ostean, Tolosa aldera. Ikusi zuzenean BERRIAren webgune berezian.

Jendetza bildu da goizean Urola Kostako herrietan. Antolatzaileek nabarmendu egin dute, esaterako, Azkoitiko parte hartzea: herriko 45 eragilek hartu dute parte, 8 kilometro eskasetan.

Añorgatik sartu da Korrika Donostiara, 16:35 aldera. Ibaetatik Antiguara egin du, eta handik hiriko erdigunera.

Donostian ere une bereziak izan ditu 21. Korrikak. Jose Luis Alvarez Enparantza Txillardegi omendu du aurten Korrikak, eta haren bilobek hartu dute lekukoa Gros auzoan.

Donostiako udaletxearen parean, hartu du lekukoa Eneko Goia hiriko alkateak.

Realak ere eraman du lekukoa.

Iluntzeko bederatzietan, Altzan ibili ostean, Pasai Antxorako bidean segituko du karabana koloretsuak. Ondoren, Trintxerpen sartuko da, Bidebietatik. San Pedrotik Pasai Donibanerako zeharkaldia itsasontziz egingo du; eta, ondoren, Oiartzualdeko ibilbidearekin jarraitzeko, Lezora ailegatuko da. Errenteriara 23:00 aldera iritsiko da lekukoa, eta Oiartzunera joango da gero.

Atzo, jende uholdeak, Korrikaren uhinak, euskararen aldeko emariak hartu zuen Bilbo. Milaka euskaldun bilbotarren topagune izan zen lasterketa, eta, haiekin batera, dozenaka erakunde eta alderditako arduradunek ere eraman zuten lekukoa. Klika leloa du aurtengo Korrikak, eta horretara dei egin zuten Bilbon: lekukoa hartzeaz eta korrika egiteaz harago, benetako aldaketak egitera, hizkuntza ohiturak astintzera, erabileran pausoak ematera. Hori baitute zeregina: atzoko uholdea, uhina eta emaria ez bihurtzea oasi.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Lodosa Bizirik taldeko kideak, bi kaleren izenak euskaraz jarri eta gero. ©BERRIA

'Ahobizi' izan nahi, eta ezin

Itsaso Jauregi

Aurten ez da egingo Euskaraldia Lodosan, baina Lodosa Bizirik elkartekoek lanean jarraituko dute euskara normalizatzeko asmoz
Alternatibak atzo Gasteizen antolatutako mahai ingurua. ©JAIZKI FONTANEDA / FOKU

«Ez gara arrisku bat: gu gaude arriskuan»

Edurne Begiristain

Alternatibak antolatuta, Espainiako trans legeari buruzko «gezurrak» ezeztatu dituzte mahai inguru batean. Mar Cambrollek esan du transek «subjektu aktiboak» izan behar dutela

Euskarari eta teknologiari buruzko solasaldia, atzo, Donostian. ©MAIALEN ANDRES / FOKU

Puntako teknologia euskaraz

Isabel Jaurena

Hizkuntza gutxituak eta berrikuntza uztartzeari buruz jardun dute Donostian, Gipuzkoako Foru Aldundiak antolatuta. Euskaraz funtzionatzen duten zenbait gailu aurkeztu dituzte

Ezkerretik eskuinera: Otxandiano, Otegi, Aranburu eta Tobar bileraren osteko agerraldian, atzo, Donostian. ©ANDONI CANELLADA / FOKU

«Konfluentzia» nahi dute EH Bilduk eta LABek, publikoen eta ikastolen «onena» hartuta

Irati Urdalleta Lete

EH Bildu eta LAB hezkuntzaz aritzeko bildu dira. Aitortza egin diete sare publikoari eta ikastolei. Grebak aipatuta, esan dute bat egiten dutela langileen eskaerekin

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Berria

Informazio osagarria

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.