Noiz sortua: 2019-04-12 00:30:00

21. Korrika. Balmaseda-Lekeitio

Oasi bat izan ez dadin

Bilbon jendetza bildu du Korrikak, baita hainbat alderdi eta eragiletako ordezkariak ere. Kalean agertutako indarra 'klika' bihurtzea dute orain zeregin: euskaldunak biltzea eta erabilera areagotzea. Gipuzkoan da Korrika; arratsaldean, Donostian
<b>Bilbo.</b> Lau ordu egin zituen Korrikak atzo Bilbon; jendetza bildu zuen auzoetan. Irudian, Uribarri.
Bilbo. Lau ordu egin zituen Korrikak atzo Bilbon; jendetza bildu zuen auzoetan. Irudian, Uribarri. LUIS JAUREGIALTZO / FOKU Tamaina handiagoan ikusi

Garikoitz Goikoetxea - Berriemaile berezia

2019ko apirilak 12
Jende uholdeak, Korrikaren uhinak, euskararen aldeko emariak hartu zuen atzo Bilbo. Milaka euskaldun bilbotarren topagune izan zen lasterketa, eta, haiekin batera, dozenaka erakunde eta alderditako arduradunek ere eraman zuten lekukoa. Klika leloa du aurtengo Korrikak, eta horretara dei egin zuten Bilbon: lekukoa hartzeaz eta korrika egiteaz harago, benetako aldaketak egitera, hizkuntza ohiturak astintzera, erabileran pausoak ematera. Hori baitute zeregina: atzoko uholdea, uhina eta emaria ez bihurtzea oasi.

Bizkaiko hiriburuan lau ordu eta erdiko ibilbidea egin zuen Korrikak: Zorrotzatik sartu zen, eta Elorrietatik irten. Bidean, batez ere auzo nagusietan, jende multzo handiak bildu ziren; tartean, eskola ume ugari, ikastetxeko ordutegian egokitu baitzitzaien lasterketa —ez da ohikoa Bilbon—. Euria ere bota zuen tarteka bidean. Aurreko aldi batzuetan baino jende gutxixeago bildu zuen Korrikak, orduak eta aroak eraginda. Jendetza handia, nolanahi ere.

Jendearen beharra badu euskarak. Kaleko erabileraren azken neurketan solasaldien %3 eskas entzun zituzten euskaraz; urteotan jaitsi egin da erabilera. «Irabazteko tarte handia dugu», azaldu du Deustuko Berbaizu euskara elkarteko kide Jon Intxaurragak. Euskaldun gehien duen hiria da Bilbo. «Kontua da sakabanatuta gaudela hiri handian. Gure arazoa hori da, baina saiatzen gara zirkuituak sortzen», azaldu Iker Martinez de Lagos Euskaltzaleen Topaguneko ordezkariak. Euskaraldia bitarteko izan da horretan, Bilboko euskaldunak agerian ipintzen.

Euskaltzaleen bilgune

Bilgune funtzio hori betetzen du Korrikak ere, atzo bistan jarri zutenez. Euskararen bueltan dabiltzan herritar ugari bildu ziren: adibidez, Santutxun gogoan izan zuten AEK-ko kide Marian Leon zena, eta Bilboko euskalgintzako eragileek elkarrekin jaso zuten lekukoa, baita Hordago Abante konpartsak eta BERRIA Taldeak ere.

Euskara agerian jarri zuen Korrikak atzo Bilbon, baina horretan bada zer egin. Hizkuntza paisaia aipatu du Martinez de Lagosek: «Aldatzen ari da, okerrera. Euskararen presentzia ez dabil nabarmen igotzen, eta ingelesa espazio handia hartzen ari da». Turismoarekin lotu du hori. Intxaurragak dio saltokietan-eta badela zer aurreratu. «Langileak edo jabea euskaldunak izanda ere, maiz kartelak erdara hutsez daude». Erabilerarako oztopo da.

Korrikaren leloak jomuga hori du. Heldu beharreko erronka, Intxaurragaren ustez: «Sentsazioa daukat Korrika euskaldunon ramadana dela. Biharamunean zer? Klika lelo aparta da: ilusioa dago, peto guztiak saldu ditugu, baina jende horrek euskara erabiltzen du normalean edo aukera gehienetan? Ilusioa badago, baina ikusteke dago zelan gauzatuko den».

Ilusioa sortzen jarraituko du gaur ere Korrikak. Bederatzigarren eguna, Gipuzkoara egingo du jauzi lasterketak: goizaldean sartuko da Mutrikutik barrena. Goizean Debabarrena eta Urola Kosta igaroko ditu, eta arratsaldean, Donostia. Gauean Beterrira joko du, eta ostean, Tolosa aldera.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Apirilaren 5ean eguneratua, 14:00etan. ©

Koronabirusaren azken datuak

Berria

Euskal Herrian 11.701 gaixok eman dute positibo koronabirusaren proba eginda. 693 hil dira. COVID-19 gaitza izandako 3.709 pertsonari eman diete alta. Grafikoak, albiste barruan.

Iñigo Urkullu lehendakaria, bideokonferentzia batean. ©Irekia

Iñigo Urkulluk «normaltasunera bueltatzeko plan bat» eskatu du

Berria

Eusko Jaurlaritzako lehendakariak babesa adierazi dio Pedro Sanchez Espainiako Gobernuko presidenteak alarma egoera apirilaren 26ra arte luzatzeko egindako eskaerari. Ekonomiaren jarduera etetean «malgutasunez» jokatu izana eskertu dio.

Nafarroako erietxeko langileak, txalo jotzen, iragan asteazkenean. ©Idoia Zabaleta / Foku

Sanchez aztertzen ari da sintomarik gabeko gaixoak kiroldegietan bakartzea

Berria

Pedro Sanchezek bilera bat egin du autonomia erkidegoetako presidenteekin, eta azpiegituren zerrenda bat eskatu die hilaren 10erako, atzemandako kasu positibo asintomatikoak kokatzeko. Adierazi die milioi bat test banatuko dituela «detekzio goiztiarrerako».

Arnaldo Otegi EH Bilduko koordinatzaile nagusia, artxiboko argazki batean. ©Andoni Canellada / Foku

Otegirentzat, Moncloako Itun berriek «eskubide sozialak eta ekonomikoak urratzea» eragingo lukete

Berria

EH Bilduk astelehenean erabakiko du alarma egoera luzatzeari buruzko jarrera. Dena dela, orain artekoarekin «koherentea» izango dela esan du Arnaldo Otegik. Aurreko aldietan abstentziora jo dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna